ខ្យល់កន្ត្រាក់បំផ្លាញផ្ទះប្រជាពលរដ្ឋចំនួន ៥ខ្នង នៅស្រុកវាលវែង ខេត្តពោធិ៍សាត់
ភំ្នពេញ៖ កាលពីរសៀលថ្ងៃទី៥ ខែមេសា ឆ្នាំ២០២៣ វេលាម៉ោង១៥ និង៤៥នាទី នៅចំណុចផ្ទះដប់ ភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ មានករណីខ្យល់កន្រ្តាក់ចំនួន ១លើក បណ្តាលឲ្យខូចខាតផ្ទះប្រជាពលរដ្ឋចំនួន ៥គ្រួសារ ។
លោកវរសេនីយ៍ទោ ប៊ូ ង៉ែត អធិការរងស្រុកវាលវែង បានបញ្ជាក់ឲ្យដឹងថា ផ្ទះរងការខូចខាតដោយសារខ្យល់កន្ត្រាក់ មានដូចជា ៖ ១-ផ្ទះរបស់ម្ចាស់ឈ្មោះ ម៉ុន យឿន ភេទប្រុស អាយុ៤៥ឆ្នាំ ខូចខាតរបើកស័ង្កសីចំនួន ១៦សន្លឹក ២-ផ្ទះរបស់ម្ចាស់ឈ្មោះ សៀង បូរ៉ា ភេទស្រី អាយុ ៥១ឆ្នាំ ខូចខាត របើកសង្ក័សីចំនួន ០២សន្លឹក ៣-ផ្ទះរបស់ម្ចាស់ឈ្មោះ ញាណ ប៊ុនធៀន ភេទ ប្រុស អាយុ ៣៩ឆ្នាំ ខូចខាតរលំបន្ទប់ទឹកចំនួន ០១ ៤-ផ្ទះរបស់ម្ចាស់ឈ្មោះ ឌុំ សុខគា ភេទ ប្រុស អាយុ ៣២ឆ្នាំ ខូចខាតរបើក ស័ង្កសីចំនួន២សន្លឹក ៥-ផ្ទះរបស់ម្ចាស់ឈ្មោះ សាន រឿន ភេទប្រុស អាយុ៤០ឆ្នាំ ខូចខាតរបើកស័ង្កសីចំនួន១សន្លឹក ។
លោកបន្តថា បច្ចុប្បន្នផ្ទះដែលរងការខូចខាត ត្រូវបានសមត្ថកិច្ចរៀបចំឯកសារបញ្ជូនទិន្នន័យទៅកាន់អាជ្ញាធរមូលដ្ឋានក្នុងការដោះស្រាយសុំជំនួយ និងកម្លាំងការជួសជុល ដើម្បីបានប្រើប្រាស់ឡើងវិញ៕
