ឯកឧត្ដម ហ៊ុន ម៉ាណែត ថ្លែងអំណរគុណប្រជាពលរដ្ឋនៅក្នុងស្រុកកោះធំ និងខេត្តកណ្តាល ក៏ដូចជានៅទូទាំងប្រទេស ដែលតែងជឿជាក់លើគណបក្សប្រជាជនកម្ពុជា

ភ្នំពេញ៖ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការមហាប្រាសាទព្រះគន្ធកុដិ និងសមិទ្ធផលនានា ក្នុងវត្តវេទ្បុវ័ន ស្ថិតក្នុងឃុំព្រែកថ្មី ស្រុកកោះធំ ខេត្តកណ្តាលនៅថ្ងៃទី១៥ ខែតុលា ឯកឧត្តម បណ្ឌិត ហ៊ុន ម៉ាណែត បានថ្លែងអំណរគុណចំពោះប្រជាពលរដ្ឋនៅក្នុងស្រុកកោះធំ និងខេត្តកណ្តាល ក៏ដូចជានៅទូទាំងប្រទេស ដែលតែងជឿជាក់លើគណបក្សប្រជាជនកម្ពុជា។

ឯកឧត្តម បណ្ឌិតបានឲ្យដឹងថា សូមថ្លែងអំណរគុណចំពោះប្រជាពលរដ្ឋនៅក្នុងស្រុកកោះធំ និងខេត្តកណ្តាល ក៏ដូចជានៅទូទាំងប្រទេស ដែលតែងជឿជាក់លើគណបក្សប្រជាជនកម្ពុជា និងបានចូលរួមក្នុងការថែរក្សាសន្តិភាព និងស្ថិរភាពរបស់ប្រទេសជាតិយើង។

ជាមួយគ្នានេះផងដែរ ឯកឧត្តម បណ្ឌិត ហ៊ុន ម៉ាណែត ក៏សូមអរគុណចំពោះថ្នាក់ដឹកនាំ មន្ត្រីរាជការរដ្ឋបាលខេត្តកណ្តាល និងមន្ទីរជុំវិញខេត្ត អាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ និងលោកគ្រូអ្នកគ្រូ ដែលបាននិងកំពុងយកចិត្តទុកដាក់លើ ការបម្រើសេវាសាធារណៈជូន ប្រជាពលរដ្ឋបានកាន់តែល្អប្រសើរ និងសូមអរគុណគណៈកម្មាធិការ គណបក្សខេត្ត ក្រុង-ស្រុក ឃុំ-សង្កាត់ និងសាខាបក្សភូមិ ព្រមទាំងក្រុមការងារចុះមូលដ្ឋានគ្រប់យន្តការ ដែលបាននៅកៀកជិតស្និទ្ធ បម្រើប្រជាជន ដោយមិនគិតពីការនឿយហត់ និងបានលះបង់គ្រប់ បែបយ៉ាង ដើម្បីផ្តល់ភាពកក់ក្តៅ និងស្នាមញញឹមជូនប្រជាពលរដ្ឋតាមមូលដ្ឋាន រហូតទទួលបាននូវ ទំនុកចិត្តដ៏លើសលប់ក្នុងគ្រប់ អាណត្តិនៃការបោះឆ្នោតកន្លងមក៕