ថ្នាក់ដឹកនាំខេត្តរតនគិរី និងពុទ្ធបរិស័ទ អញ្ជើញចូលរួម បុណ្យកាន់បិណ្ឌវេនទី៤ នៅវត្តគិរីរតនារាម ហៅវត្តភូមិថ្មី

ភ្នំពេញ៖ ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងលោកជំទាវ ភរិយា ឯកឧត្តម ញ៉ែម សំអឿន អភិបាលខេត្តរតនគិរីរួមទាំងលោក លោកស្រី សមាជិក្រុមប្រឹក្សាខេត្ត អភិបាលរងខេត្ត ប្រធានមន្ទីរអង្គភាពជុំវិញខេត្ត និងពុទ្ធបរិស័ទជិតឆ្ងាយ នាព្រឹកថ្ងៃទី១៤ ខែកញ្ញា ឆ្នាំ២០២២នេះ បានអញ្ជើញបុណ្យកាន់បិណ្ឌវេនទី៤ និងនាំយកទេយ្យវត្ថុ និងគ្រឿងឧបភោគបរិភោគ និងបច្ច័យមួយចំនួន ប្រគេនព្រះសង្ឃដែលរងចាំព្រះវស្សា នៅវត្តគិរីរតនារាមហៅវត្តភូមិថ្មី ស្ថិតនៅសង្កាត់ឡាបានសៀក ក្រុងបានលុង ខេត្តរតនគិរី។

សូមរំលឹកថា ពិធីបុណ្យកាន់បិណ្ឌភ្ជុំបិណ្ឌគឺតែងតែប្រារព្ធធ្វើជាប្រពៃណីតាំងពីបរមបុរាណតរៀងមក មានគោលបំណង ដើម្បីឲ្យព្រះសង្ឃគ្រប់ព្រះអង្គ ដែលគង់ចាំព្រះវស្សា នៅក្នុងទីអារាមនានា ទទួលការផ្គត់ផ្គង់ពីពុទ្ធបរិស័ទចំណុះជើងវត្តទំនុកបម្រុងព្រះសង្ឃ គង់ចាំព្រះវស្សាក្នុងវត្តរយៈពេល ៣ខែ ចាប់តាំងពីថ្ងៃចូលវស្សារហូតដល់ថ្ងៃចេញវស្សា និងក៏ជារំឭកដល់វិញ្ញាណក្ខន្ធបុព្វការីជន ដែលបានធ្វើមរណកាលទៅកាន់លោកខាងមុខផងដែរ ៕