កុមារម្នាក់រអិលដួលលើចម្រឹងដែកបុកធ្លាយបេះដូង ទទួលការសង្រ្គោះឱ្យរួចផុតគ្រោះថ្នាក់ដល់ជីវិត ដោយក្រុមគ្រូពេទ្យនៃមន្ទីរពេទ្យគន្ធបុប្ផា

ភ្នំពេញ៖ មន្ទីរពេទ្យជ័យវរ័្មនទី៧ (គន្ធបុប្ផាសៀមរាប) បានប្រកាសថានៅថ្ងៃទី៧ ខែកញ្ញា ឆ្នាំ២០២២ កុមារាអាយុ ១៣ឆ្នាំ មកពីស្រុកភ្នំស្រុក ខេត្តបន្ទាយមានជ័យ បានរអិលជើងដួលលើចម្រឹងសសរដែក បណ្តាលឱ្យបុកធ្លាយដល់បេះដូង និងហូរឈាមយ៉ាងច្រើន កាលពីថ្ងៃអាទិត្យទី៤ ខែកញ្ញា ២០២២។

កុមាររូបនេះត្រូវបានវះកាត់ជួយសង្រោះជាបន្ទាន់ដោយក្រុមគ្រូពេទ្យឯកទេសបេះដូងនៃគន្ធបុប្ផាសៀមរាបដោយជោគជ័យ។

សូមជម្រាបជូនថា ជារៀងរាល់ខែមន្ទីរពេទ្យគន្ធបុប្ផាទាំង៥ទីតាំង នៅទូទាំងព្រះរាជាណាចក្រកម្ពុជា ទទួលពិនិត្យ និងព្យាបាលកុមារជាង៤ម៉ឺននាក់ ដោយឥតគិតថ្លៃ និងមិនមានការរើសអើង។ ដូច្នេះការ ចូលរួមបរិច្ចាគពីសំណាក់លោកអ្នកពិតជាមានតម្លៃណាស់ក្នុងការ ជួយសង្រ្គោះជីវិតកុមារ នៅកម្ពុជា ដែលជាអនាគតអ្នកបន្តវេនរបស់ប្រទេសជាតិ។

មូលនិធិគន្ធបុប្ផាកម្ពុជា សូមបន្តលើកទឹកចិត្តដល់សប្បុរសជន ទាំងក្នុង និងក្រៅប្រទេស ចូលរួមបរិច្ចាគចូលជាសមាជិករបស់មូលនិធិគន្ធបុប្ផាកម្ពុជា ដែលមានពីរប្រភេទគឺ៖ (១) សមាជិកកិត្តិយស ដោយបរិច្ចាគចាប់ពី ២០ ០០០ ០០០ (ម្ភៃលាន) រៀល/៥ ០០០ (ប្រាំពាន់) ដុល្លារអាមេរិក ក្នុងមួយឆ្នាំ ឬ (២) សមាជិកគាំទ្រ ដោយបរិច្ចាគចាប់ពី ៥ ០០០ (ប្រាំពាន់) រៀល ក្នុងមួយខែ/៦០ ០០០ (ហុកសិបពាន់ )រៀល ក្នុងមួយឆ្នាំ ដើម្បីបង្ហាញពីសាមគ្គីភាពក្នុងស្មារតី “ខ្មែរជួយខ្មែរ” តាមរយៈមធ្យោបាយបរិច្ចាគ ដោយឥតគិតថ្លៃសេវា ជាមួយបណ្តាធនាគារដៃគូ ដែលរួមមានធនាគារ ABA, ACLEDA, Canadia, Chip Mong, Sathapana, Wing, Vattanac, J Trust Royal, Cambodian Public និង ភ្នាក់ងារ True Money ឬ តាមរយៈលេខទូរសព្ទ ០៦១ ៧០ ១១១១៕