ឯកឧត្តម បណ្ឌិត ហ៊ុន ម៉ាណែត ប្រាប់ក្រុមការងារបក្សប្រជាជនឲ្យបន្តសកម្មភាពផ្សារភ្ជាប់ទំនាក់ទំនងឱ្យបានជិតស្និទ្ធ និងកសាងអំពើល្អជាមួយប្រជាជន
ភ្នំពេញ៖ ឯកឧត្ដម បណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍ គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្ដាល បានណែនាំឲ្យក្រុមការងារគណបក្សថ្នាក់កណ្តាលគ្រប់ថ្នាក់ បន្តសកម្មភាពផ្សារភ្ជាប់ទំនាក់ទំនងឱ្យបានជិតស្និទ្ធ និងកសាងអំពើល្អជាមួយប្រជាជន ព្រោះថានេះគឺជាការតបស្នងសងគុណដ៏កតញ្ញូបំផុតជូនចំពោះប្រជាជន ដែលតែងបានផ្តល់នូវការគាំទ្រ និងបានបោះឆ្នោតជូនគណបក្សយើងគ្រប់ៗអាណត្តិកន្លងមក។
ក្នុងពិធីប្រកាសបញ្ចូលសមាជិក-សមាជិកា យុវជនគណបក្សប្រជាជនកម្ពុជា នៅសង្កាត់សាលាកំរើក ក្រុងសៀមរាប ខេត្តសៀមរាប នាថ្ងៃទី៣ ខែកញ្ញា ឆ្នាំ២០២២ ឯកឧត្ដម បណ្ឌិត ហ៊ុន ម៉ាណែត បានសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង យកអស់ពីកម្លាំងកាយចិត្តរបស់ក្រុមការងារគណបក្សថ្នាក់កណ្តាលគ្រប់ថ្នាក់ ព្រមទាំងគណៈកម្មាធិការគណបក្សប្រជាជនកម្ពុជាខេត្តសៀមរាប និងស្ថាប័នចំណុះ ក្នុងការបំពេញបេសកកម្មដ៏ឧត្ដុង្គឧត្ដមបម្រើប្រជាជន ដែលបុព្វហេតុដ៏ត្រឹមត្រូវ និងឥតងាករេរបស់គណបក្ស ហើយសូមបន្តសកម្មភាពផ្សារភ្ជាប់ទំនាក់ទំនងឱ្យបានជិតស្និទ្ធ និងកសាងអំពើល្អជាមួយប្រជាជន ព្រោះថានេះគឺជាការតបស្នងសងគុណដ៏កតញ្ញូបំផុតជូនចំពោះប្រជាជន ដែលតែងបានផ្តល់នូវការគាំទ្រ និងបានបោះឆ្នោតជូនគណបក្សយើងគ្រប់ៗអាណត្តិកន្លងមក។