ឯកឧត្ដម ឈឿន ប៊ុណ្ណារ័ត្ន អញ្ជើញដឹកនាំកិច្ចប្រជុំ បូកសរុបការងារប្រចាំត្រីមាសទី៣ ឆ្នាំ២០២២

ភ្នំពេញ៖ ឯកឧត្ដម ឈឿន ប៊ុណ្ណារ័ត្ន សមាជិកគណៈកម្មាធិការកណ្តាលគណបក្ស និងជាប្រធានក្រុមការងារគណបក្ស ចុះមូលដ្ឋានក្រុងក្រចេះ ថ្ងៃទី២ ខែកញ្ញា ឆ្នាំ២០២២ បានអញ្ជើញជាអធិបតីក្នុងពិធីប្រជុំបូកសរុបការងារ ប្រចាំត្រីមាសទី៣ ឆ្នាំ២០២២ និងដោយមានកាអញ្ជើញចូលរួមពី លោកជំទាវ សៅ សុគន្ធារី ឯកឧត្តម អ៊ុយ ភារក្ស ឯកឧត្តម វន សុវណ្ណារី ឯកឧត្តម ឈា ផល្លី និង ឯកឧត្តម លោកជំទាវ លោក លោកស្រី ប្រធាន អនុប្រធាន សមាជិក ក្រុមការងារគណបក្សចុះមូលដ្ឋានក្រុងក្រចេះ គណៈកម្មាធិការគណបក្សក្រុងក្រចេះ ប្រធាន-អនុប្រធានក្រុមការងារថ្នាក់ខេត្តចុះជួយសង្កាត់ ប្រធាន-អនុប្រធានក្រុមការងារថ្នាក់ក្រុងចុះជួយសង្កាត់ គណៈកម្មាធិការគណបក្សសង្កាត់ ប្រធាន-អនុប្រធានយុវជនបក្ស ក្រុម១៥៧ សរុបចំនួន ២៧៦នាក់។

ឯកឧត្ដម ឈឿន ប៊ុណ្ណារ័ត្ន មានមតិសំណេះសំណាលបូកសរុបលទ្ធផលកិច្ចប្រជុំនិងបានថ្លែងអំណរគុណ ដល់សមាជិក សមាជិកាអង្គប្រជុំទាំងអស់ និងបានដាក់ទិសដៅបន្តចំនួន៦ចំណុច។

ឯកឧត្ដម ឈឿន ប៊ុណ្ណារ័ត្ន បានផ្តល់ថវិកាមួយចំនួនឧបត្ថម្ភជូនដល់ សមាជិក សមាជិកា គណៈកម្មា ធិការគណបក្សសង្កាត់ទាំង៥ និងបានប្រគល់អំពូលសូឡាចំនួន ១៩០អំពូល និងបង្គោលអំពូលចំនួន ៩០ ដែលជាអំណោយរបស់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងឧកញ៉ា ធាង ទ្រី ជូនដល់គណៈកម្មាធិការគណបក្សតាមសង្កាត់ទាំង ៥ សម្រាប់ប្រើប្រាស់តាមស្នាក់ការបក្ស មណ្ឌលសុខភាព ប៉ុស្តិ៍សុខភាព សាលារៀន និងវត្តអារាម នៅក្នុងមូលដ្ឋានរបស់ខ្លួន ៕