អំណោយឧបត្ថម្ភដ៏ថ្លៃថ្លាឧត្តមសេនីយ៍ឯក ហ៊ុន ម៉ាណែត និងលោកជំទាវ ត្រូវបានផ្តល់ ជូនសាលាពលទាហានទី៥
ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការរង មេបញ្ជាការយោធភូមិភាគទី៥ នាថ្ងៃទី៣០ ខែសីហា ឆ្នាំ២០២២ បាននាំយកអំណោយឧបត្ថម្ភដ៏ថ្លៃថ្លាសម្រាប់ខែកក្កដា ឆ្នាំ២០២២ របស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ជូនសាលាពលទាហានទី៥ យោធភូមិភាគទី៥ កងទ័ពជើងគោក រួមមាន អង្ករ, ប្រេងឥន្ធន: និងថវិកា សម្រាប់ទ្រទ្រង់សាលា និងយោធាចារ្យ ដែលស្ថិតក្នុងខេត្តបាត់ដំបង ។
ឧត្តមសេនីយ៍ទោ សេង ធារិន បានលើកឡើងពីការយកចិត្តទុកដាក់ ខ្ពស់ របស់ឯកឧត្តម បណ្ឌិត ចំពោះយោធាចារ្យ បុគ្គលិកសាលាទាំងអស់ ដែលជាថ្នាលបណ្តុះបណ្តាលធនធានមនុស្ស នៃកងយោធពលខេមរភូមិន្ទ និងបានផ្តាំផ្ញេីសួរសុខទុក្ខផងដែរ ។ ឧត្តមសេនីយ៍ទោ មេបញ្ជាការរង នាយសេនាធិការក៏បានរំលឹកផងដែរ ដល់លោកនាយកសាលាអំពីការប្រេីប្រាស់ថវិកា អង្ករ ប្រេងឥន្ធន: របស់ឯកឧត្តម មេបញ្ជាការ កងទ័ពជេីងគោក ប្រកបដោយតម្លាភាព យុត្តិធម៌ ជូនដល់យោធាចារ្យរបស់យេីង។
យោធាចារ្យ បុគ្គលិកទាំងអស់ មានសេចក្តីរីករាយ ប្តេជ្ញាអនុវត្តភារកិច្ចឲ្យបានល្អ និងប្រកាសគាំទ្របេក្ខភាព ឯកឧត្តម បណ្ឌិត ជានាយករដ្ឋមន្ត្រីនាពេលខាងមុខ ។
ឧត្ដមសេនីយ៍ត្រី សួន សុន នាយកសាលាពលទាហានទី៥ ព្រមទាំង នាយទាហាន នាយទាហានរង និងពលទាហាននៃសាលាពលទាហា សាលាពលទាហានទី៥ សូមថ្លែងអំណរគុណយ៉ាងជ្រាលជ្រៅ ជូនចំពោះឯកឧត្តម មេបញ្ជាការ កងទ័ពជើងគោក និងលោកជំទាវ ដែលជានិច្ចជាកាលតែងបារម្ភអំពីសុខុមាលភាពរបស់យោធិនបម្រើដល់ថ្នាលបណ្តុះបណ្តាលធនធានមនុស្ស នៃកងយោធពលខេមរភូមិន្ទ ហើយជាកិច្ចតបស្នង យោធិនគ្រប់រូបប្តេជ្ញាបន្តខិតខំយកចិត្តទុកដាក់បំពេញតួនាទីភារកិច្ចថ្នាក់លើដាកចុះ ៕
