អំណោយឱសថព្យាបាលជំងឺកូវីដ ត្រូវបាន ឧត្ដមសេនីយ៍ត្រី មាន សុីសុវណ្ណនី និងលោកជំទាវ ផ្ដល់ជូនមណ្ឌលចត្តាឡីស័ក បញ្ជាការដ្ឋានការពារអាកាសកងទ័ពជើងគោក
ភ្នំពេញ៖ នៅព្រឹកថ្ងៃអង្គារ ទី៣០ ខែសីហា ឆ្នាំ២០២២ កងឯកភាពបញ្ជាការដ្ឋានការពារអាកាសកងទ័ពជើងគោក បានទទួលអំណោយឱសថសម្រាប់ព្យាបាលជំងឺកូវីដ-១៩ពីឧត្តមសេនីយ៍ត្រី មាន សុីសុវណ្ណនី ជំនួយការ ឯកឧត្តម មាស សុភា និងលោកជំទាវ ដែលបានជួយឧបត្ថម្ភសម្ភារៈឱសថសព្យាបាលជំងឺកូវីដ-១៩ ជូនដល់មណ្ឌលចត្តាឡីស័ក កងឯកភាពបញ្ជាការដ្ឋានការពារអាកាសកងទ័ពជើងគោក ក្នុងនោះរួមមាន សេរ៉ូមផ្អែមចំនួន៦០ កប្លោក សេរ៉ូមប្រៃចំនួន៣០ កប្លោក ខ្សែសេរ៉ូមចំនួន៧៥ ខ្សែ និងថ្នាំផ្ដាសាយចិនចំនួន៥០ ប្រអប់ ជូនដល់មណ្ឌលចត្តាឡីស័ក កងឯកភាពបញ្ជាការដ្ឋានការពារអាកាសកងទ័ពជើងគោក សម្រាប់ផ្គត់ផ្គង់ប្រើប្រាស់ព្យាបាលជំងឺកូវីដ-១៩ ទៅតាមសេចក្ដីត្រូវការជាក់ស្ដែងនៅក្នុងមណ្ឌល។
ឧត្តមសេនីយ៍ទោ សុខ ប៉ាង នាយសេនាធិការរងកងទ័ពជើងគោក មេបញ្ជាការបញ្ជាការដ្ឋានការពារអាកាស ក្នុងនាមថ្នាក់ដឹកនាំគណៈបញ្ជាការក៏ដូចជាកងកម្លាំងប្រដាប់អាវុធទាំងអស់នៅក្នុងកងឯកភាពបញ្ជាការដ្ឋានការពារអាកាសកងទ័ពជើងគោក សូមសម្ដែងនូវការកោតសរសើរ និងអរគុណយ៉ាងជ្រាលជ្រៅចំពោះទឹកចិត្តសប្បុរសរបស់ ឧត្តមសេនីយ៍ត្រី មាន សុីសុវណ្ណនី និងលោកជំទាវ ដែលបានបរិច្ចាគសម្ភារៈឱសថមួយចំនួនដើម្បីជួយសម្រួលដោះស្រាយព្យាបាលសុខភាពសាធារណៈក៏ដូចជាការរួមចំណែកជាមួយរាជរដ្ឋាភិបាលក្នុងការចូលរួមទប់ស្កាត់ ប្រយុទ្ធប្រឆាំង និងជំងឺកូវីដ-១៩ ផងដែរ៕
