សហគមន៍តំបន់ការពារធម្មជាតិព្រៃអណ្តូងដងផ្លិត ស្ថិតក្នុងស្រុកឆែប ខេត្តព្រះវិហារ បើបានទៅលេងហើយដឹងតែជាប់ចិត្ត
ភ្នំពេញ៖ សហគមន៍តំបន់ការពារធម្មជាតិព្រៃអណ្តូងដងផ្លិត ស្ថិតនៅភូមិសាស្ត្រភូមិដងផ្លិត ឃុំឆែប២ ស្រុកឆែប ខេត្តព្រះវិហារ បើបានទៅលេងហើយដឹងតែជាប់ចិត្ត។ នេះបើយោងតាមក្រសួងបរិស្ថាន។
ក្រសួងបានឲ្យដឹងថា សហគមន៍តំបន់ការពារធម្មជាតិព្រៃអណ្តូងដងផ្លិត ដែលបានចងក្រងសហគមន៍ទេសចរណ៍ ពីយូរ ដែលទីនេះមានសត្វស្លាបច្រើនប្រភេទ ត្រយ៉ងយក្ស ទាព្រៃស្លាប សត្វត្មាត ក្រៀល ត្រសេះ និង មៀម ជាពិសេសជីវៈចម្រុះនៅជុំវិញ តែសហគមន៍នេះការពារព្រៃបានយ៉ាងល្អ ព្រៃក្រាស់ ធំៗ និងមានច្រើនប្រភេទ។
ក្រសួងបរិស្ថានបញ្ជាក់ថា ចំណុចពិសេសទីនេះអ្នកអាចទស្សនាសត្វស្លាប កម្រៗជាច្រើន និងការស្នាក់នៅជំរុំតង់ និងការចំអិនម្ហូបបែបសហគមន៍ដ៏មានជំនាញ ។ បើបានមកលេងហើយដឹងតែជាប់ចិត្ត៕
