ឧត្តមសេនីយ៍ត្រី ជឹម ប៊ុនអាន អញ្ជើញ ផ្សព្វផ្សាយ ព្រឹត្តិការណ៍ពត៌មានថ្មីៗ ជុំវិញពិភពលោក និងក្នុងប្រទេស ដល់នាយទាហាន នាយទាហានរង និងពលទាហាន ចំណុះទីបញ្ជាការ

ភ្នំពេញ៖ លោកឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិការសឹករងបន្ទាយមានជ័យ នាថ្ងៃទី១៥ ខែសីហា ឆ្នាំ២០២២ បានអញ្ជើញ ជាអធិបតីក្នុងពិធីគោរពទង់ជាតិ នៃព្រះរាជាណាចក្រកម្ពុជា និងបានផ្សព្វផ្សាយ ព្រឹត្តិការណ៍ថ្មីៗ ជុំវិញពិភពលោក និងក្នុងប្រទេស ពិសេសជំងឺកូវីដ-១៩ និងជំងឺអុតស្វាដែលជាប្រភេទជំងឺឆ្លងថ្មី ដល់នាយទាហាន នាយទាហានរង និងពលទាហាន ចំណុះទីបញ្ជាការ ។

ឧត្ដមសេនីយ៍ត្រី ជឹម ប៊ុនអាន មេបញ្ជាការ បានដាស់តឿនស្មារតីដល់ នាយទាហាន នាយទាហានរង និងពលហាន តំបន់ប្រតិបត្តិការសឹករងបន្ទាយមានជ័យ ទាំងអស់ត្រូវគោរព និងអនុវត្តឲ្យបាននូវបទវិន័យ បទបញ្ជាផ្ទៃក្នុង និងលក្ខ័នន្តិកៈទូទៅរបស់កងយោធពលខេមរភូមិន្ទ ច្បាប់ចរាចរណ៍ផ្លូវគោក ជៀសឆ្ងាយពីគ្រឿងញៀន ក៏ដូចជាត្រៀមជួយប្រជាពលរដ្ឋ រាល់យថាហេតុណាមួយដែលបង្កឡើងដោយគ្រោះធម្មជាតិ ជាពិសេស ជំងឺកូវីដ-១៩ប្រភេទថ្មី BA4, BA5 និងជំងឺអុតស្វា ដ៏កាចសាហាវ ដោយបន្តអនុវត្តតាមប្រសាសន៍ ដ៏ថ្លៃថ្លារបស់សម្តេចអគ្គមហាសេនាបតីតេជោ នូវវិធានការ ៣ការពារ ៣កុំជាប់ជាប្រចាំ ។

ជាចុងក្រោយ លោក ឧ ត្តមសេនីយ៍ត្រី មេបញ្ជាការ តំបន់ ប្រតិបត្តិការ សឹក រងខេត្ត បានថ្លែងអំណរគុណ ដល់នាយទាហាន នាយទាហានរង ពលទាហាន ទាំងអស់ ដែលបានបំពេញនូវតួនាទីភារកិច្ចតាមផែនការថ្នាក់លើ និងខិតខំ ការពារជាតិមាតុភូមិ ការពារសុខសុវត្ថិភាពបងប្អូនប្រជាពលរដ្ឋនៅក្នុងមូលដ្ឋានទទួលខុសត្រូវ ៕