អភិបាលរងខេត្តកណ្ដាល ចុះពិនិត្យស្ថានភាពទឹកព្រែកស្ទឹងជ្រៅ និងចុះសួរសុខទុកប្រជាពលរដ្ឋ ដែលរងផលប៉ះពាល់ ដោយជំនន់ទឹកភ្លៀង ស្ថិតក្នុងភូមិស្ទឹងជ្រៅ សង្កាត់ដើមមៀន
ភ្នំពេញ៖ ឯកឧត្ដម ប្រាក់ សារ៉ាត អភិបាលរងខេត្តកណ្ដាល នៅព្រឹកថ្ងៃទី៩ ខែសីហា ឆ្នាំ២០២២ បានដឹកក្រុមការងារជំនាញ អាជ្ញាធរក្រុងតាខ្មៅ កងកម្លាំងទាំងបី ចុះពិនិត្យស្ថានភាពទឹកព្រែកស្ទឹងជ្រៅ និងចុះសួរសុខទុកប្រជាពលរដ្ឋទាំង ១៧៣ គ្រួសារ ដែលរងផលប៉ះពាល់ ដោយជំនន់ទឹកភ្លៀង ស្ថិតក្នុង ភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្ដាល។
ឯកឧត្ដមអភិបាលរងខេត្តកណ្ដាល បានឲ្យដឹងថារដ្ឋបាលខេត្ត បានត្រៀមលក្ខណ:ក្នុងការបញ្ជៀសទឹកជំនន់ ដោយរកវិធីកាយស្ដារព្រែកនេះធ្វើយ៉ាងណាមិនអោយប៉ះពាល់ដល់ផ្ទះរបស់ប្រជាពលតដ្ឋដែលរស់នៅតាមដងព្រែក និងបានត្រៀមលក្ខណ:ក្នុងការជួយសង្គ្រោះប្រជាពលរដ្ឋ ក្នុងករណីមានគ្រោះមហន្តរាយទឹកជំនន់កើតឡើងជាយថាហេតុ។
ឯកឧត្ដម អភិបាលរងខេត្តកណ្ដាល ក៏បានផ្ដាំផ្ញើដល់បងប្អូន ប្រជាពលរដ្ឋ ដែលរស់នៅក្នុងតំបន់នេះអោយមានការប្រុងប្រយ័ត្ន និងទុកដាក់កូនចៅ និងទ្រព្យសម្បត្តិ អោយផុតពីកន្លែងដែលមានទឹកហូរខ្លាំង៕
