ឧត្តមសេនីយ៍ទោ សោម ស៊ុន បន្តនាំយកអំណោយរបស់ឯកឧត្តម ហ៊ុន ម៉ាណែត និងលោកជំទាវ ទៅឧបត្ថម្ភជូនពលរដ្ឋក្រីក្រ នៅឃុំបន្ទាយស្ទោង ស្រុកស្ទោង

ភ្នំពេញ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ អនុប្រធានក្រុមការងាររាជរដ្ឋាភិបាលថ្នាក់ខេត្ត ចុះជួយមូលដ្ឋានស្រុកស្ទោង និងជាប្រធានក្រុមការងាររបស់រាជរដ្ឋាភិបាលថ្នាក់ខេត្តចុះជួយមូលដ្ឋានឃុំបន្ទាយស្ទោង ស្រុកស្ទោង ខេត្តកំពង់ធំ និងសហការីរួម ជាមួយ អាជ្ញាធរ ដែនដី នៅថ្ងៃទី៤ ខែសីហា ឆ្នាំ២០២២ បានបន្តនាំយកអំណោយរបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក និងលោកជំទាវ ពេជ ចន្ទមុន្នី ទៅឧបត្ថម្ភជូនប្រជាពលរដ្ឋក្រីក្រចំនួន១៥គ្រួសារ នៅភូមិពន្លាជ័យ ឃុំបន្ទាយស្ទោង ស្រុកស្ទោង ខេត្តកំពង់ធំ ។

ឧត្តមសេនីយ៍ទោ សោម ស៊ុន បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ចំពោះបងប្អូនប្រជាពលរដ្ឋទាំងអស់ ដែលជានិច្ចកាលសម្ដេចតែងតែគិតគូរពីសុខទុក្ខនិងជីវភាពរស់នៅរបស់បងប្អូនគ្រប់ពេលវេលា ។

នៅក្នុងឱកាសនេះដែរ ឧត្តមសេនីយ៍ទោ សោម ស៊ុន ក៏បានថ្លែងអំណរគុណដ៏ជ្រាលជ្រៅចំពោះបងប្អូនប្រជាពលរដ្ឋទាំងអស់ ដែលបានអញ្ជើញទៅបោះឆ្នោតយ៉ាងច្រើនកុះករ ហើយបានបោះឆ្នោតគាំទ្របេក្ខជនក្រុមប្រឹក្សាឃុំ បន្ទាយ ស្ទោង ដែលខ្លួនស្រឡាញ់ខ្កួនពេញចិត្ត ដើម្បីបន្តថែក្សាសុខសន្តិភាព និង ការអភិវឌ្ឃភូមិ ឃុំ នៅមូលដ្ឋានរបស់ខ្លួន កាលពីថ្ងៃទី០៥ ខែមិថុនា ឆ្នាំ២០២២ ឲ្យទទួលបានជោគជ័យ យ៉ាង ត្រចះត្រចង់ ។

ឧត្ដមសេនីយ៍ ទោសោម ស៊ុន ក៏បាន សំណូមពរ ដល់ បងប្អូន ប្រជាពលរដ្ឋ ទាំង អស់ ត្រូវ បន្តរួមគ្នា ថែរក្សា ឲ្យ បាន គង់ វង្ស នូ សុខសន្តិភាព ដែល យើង កំពុង មាន សព្វ ថ្ងៃ នេះ ឲ្យ នៅ គង់វង្ស ជារៀងរហូត និង ត្រូវ ខិត ខំ បង្កបង្កើនផល ចិញ្ចឹម សត្វ និង ប្រកប មុខ របរ រក ទទួល ទាន ដោយ សុច្ចរិត ទៀង ត្រង់ ស្របតាម ច្បាប់ របស់ រដ្ឋ និង ត្រូវ ចូល រួម អនុវត្តឲ្យ បាន ត្រឹមត្រូវ តាម គោលនយោបាយ ភូមិ ឃុំ មាន សុវត្ថិភាព ។

ឧត្តមសេនីយ៍ទោ សោម ស៊ុន បាននាំយកនូវអំណោយរបស់ ឯកឧត្តមឧត្តមសេនីយ៍ឯក ហ៊ុន ម៉ាណែត និងលោកជំទាវ ពេជ ចន្ទមុន្នី ឧបត្ថម្ភ ជូន គាត់ ដោយក្នុងមួយគ្រួសារទទួលបាននូវ៖ អង្ករចំនួន២៥គីឡូក្រាម មីចំនួន១កេស ត្រីខចំនួន១យួរ និងទឹកត្រីចំនួន ១យួរ ផងដែរ ។

លោក សូត្រ អ៊ុល ប្រធានក្រុមប្រឹក្សាឃុំតំណាងឱ្យអាជ្ញាធរដែនដី និងប្រជាពលរដ្ឋទាំងអស់ សូមគោរពថ្លែងអំណរគុណយ៉ាងជ្រាលជ្រៅជាទីបំផុតចំពោះឯកឧត្តមបណ្ឌិត ហ៊ុន ម៉ាណែត និងលោកជំទាវ ព្រមទាំងថ្នាក់ដឹកនាំក្រុមការងាររាជរដ្ឋាភិបាលចុះជួយមូលដ្ឋានឃុំបន្ទាយស្ទោង ស្រុកស្ទោង ដែលជានិច្ច កាលតែងតែ ផ្សាភ្ជាប់ ពីសុខទុក្ខ ជាមួយ បងប្អូន ប្រជាពលរដ្ឋ នៅ ក្នុង មូលដ្ឋាន និង បានដោះស្រាយការលំបាកជូនប្រជាពលរដ្ឋ ទាន់ពេលវេលា និងសូមគោរពជូនពរថ្នាក់ដឹកនាំក្រុមការងារទាំងអស់ សូមបានជួបប្រទះតែនឹងពុទ្ធពរទាំងឡាយ៥ប្រការ គឺ អាយុ វណ្ណៈ សុខៈ ពលះ និង បដិភានៈ កុំបីឃ្លៀងឃ្លាតឡើយ ៕