លោកជំទាវ កែ ច័ន្ទមុនី នាំយកទេយ្យវត្ថុ គ្រឿងឧបភោគបរិភោគ និងបច្ច័យ ប្រគេនដល់ ព្រះសង្ឃចំនួន៨វត្ត ក្នុងស្រុករលាប្អៀរ ខេត្តកំពង់ឆ្នាំង

ភ្នំពេញ៖ នាថ្ងៃទី១០ ខែកក្កដា ឆ្នាំ២០២២ នៅវត្តប្រាសាទជើងទង ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង លោកជំទាវ កែ ច័ន្ទមុនី តំណាងរាស្ត្រមណ្ឌលខេត្តកំពង់ឆ្នាំង និងថ្នាក់ដឹកនាំ ស្រុករលាប្អៀរ ព្រមទាំងសហការី បានអញ្ជើញនាំយកនូវទេយ្យវត្ថុ គ្រឿងឧបភោគបរិភោគ និងបច្ច័យ ប្រគេនដល់ព្រះសង្ឃដែលគង់ចាំព្រះវស្សា ចំនួន ៧វត្ត ក្នុងឃុំស្វាយជ្រុំ ដោយក្នុងមួយវត្តទទួលបាន៖ ទៀនវស្សា១គូរ ទឹកត្រី២យួរ ទឹកស៊ីអ៉ីវ២យួរ ត្រីខ២យួរ អង្ករ៨០គីឡូក្រាម ទឹកសុទ្ធ២កេស មី២កេស សាប៊ូរ២០ដប និងថវិកាមួយចំនួន។

នាថ្ងៃដដែល លោកជំទាវ កែ ច័ន្ទមុនី និងសហការី បានបន្តនាំយកនូវទេយ្យវត្ថុ គ្រឿងឧបភោគបរិភោគ និងបច្ច័យ ប្រគេនដល់ព្រះសង្ឃនៅវត្តបល្ល័ង្គ ដែលស្ថិតនៅភូមិប្រាំបីឆោម ឃុំពង្រ ស្រុករលាប្អៀរ រួមមាន៖ ទៀនវស្សា១គូរ មី៤កេស ទឹកសុទ្ធ៤កេស ទឹកស៊ីអ៊ីវ៤យួរ ត្រីខ២យួរ អង្គ៦០គីឡូក្រាម ទឹកក្រូច២កេស សាដក១ឈុត និងបច័្ចយមួយចំនួន៕