សម្តេចធិបតី៖ រដ្ឋមិនត្រូវការចំណេញពីប្រជាពលរដ្ឋ ប៉ុន្ដែជួយឲ្យប្រជាពលរដ្ឋទទួលបានសេវាមួយល្អ ក្នុងការពិនិត្យសុខភាព

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា រដ្ឋមិនត្រូវការចំណេញពីប្រជាពលរដ្ឋ ប៉ុន្ដែជួយឲ្យប្រជាពលរដ្ឋទទួលបានសេវាមួយល្អ ក្នុងការពិនិត្យសុខភាព។

សម្តេចធិបតីលើកឡើងបែបនេះ ក្នុងឱកាសអញ្ជើញជួបសំណេះសំណាលជាមួយថ្នាក់ដឹកនាំសហជីព សមាគមសេដ្ឋកិច្ចក្រៅប្រព័ន្ធ នៅព្រឹកថ្ងៃទី២៦ ខែមេសា ឆ្នាំ ២០២៦នេះ។

សម្ដេចធិបតីបន្តថា ចំណេះដឹង សុខភាព និងការងារ គឺសំខាន់ណាស់សម្រាប់បុគ្គលម្នាក់ៗ។

សម្ដេចធិបតីបន្ថែមថា ការរៀបចំបសស និងការបណ្ដុះបណ្ដាលវិជ្ជាជីវៈបន្ថែម ការផ្ដល់ចំណេះដឹង ដល់កម្មករនិយោជិត សម្ដៅឲ្យប្រជាពលរដ្ឋមានការងារ មានចំណេះដឹង៕