ឯកឧត្តម សួស ប្រាថ្នា អញ្ជើញអមដំណើរឯកឧត្តម សក់ សេដ្ឋា ដឹកនាំគណៈប្រតិភូកម្ពុជា ចូលជួបប្រជុំពិភាក្សាការងារជាមួយអតីតអភិបាលខេត្តក្យូតុ និងទស្សនកិច្ចសិក្សានៅសាលាអន្តរវប្បធម៌ទីក្រុងជប៉ុន

ជប៉ុន៖ នៅថ្ងៃទី២១ ខែមេសា ឆ្នាំ២០២៦នេះ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ អញ្ជើញបន្តទស្សនកិច្ចសិក្សានៅប្រទេស ដោយបានចូលជួបប្រជុំពិភាក្សាការងារជាមួយឯកឧត្តម យ៉ាម៉ាដា កេជី (Yamada Keiji) អតីតអភិបាលខេត្តក្យូតុ និងជាអតីតប្រធានសមាគមអភិបាលខេត្ត ដើម្បីជជែកពិភាក្សាលើប្រធានបទអំពីការគ្រប់គ្រងរដ្ឋបាលថ្នាក់ក្រោមជាតិ និងប្រព័ន្ធទីក្រុងមេត្រូប៉ូលីតែន នៃប្រទេសជប៉ុន ព្រមទាំងទៅទស្សនកិច្ចសិក្សានៅសាលាអន្តរវប្បធម៌ទីក្រុងជប៉ុន(The Japan Intercultural Academy of Municipalities) នៅខេត្តស៊ីហ្គា (shiga) ដែលជាសាលាមួយក្នុងចំណោមសាលាទាំងបី ក្នុងការកសាងសមត្ថភាពដល់មន្ត្រីរដ្ឋបាលមូលដ្ឋាននៅប្រទេសជប៉ុន។

សូមជម្រាបជូនថា ក្នុងដំណើរទស្សនកិច្ចសិក្សារបស់គណៈប្រតិភូកម្ពុជាដែលដឹកនាំដោយ ឯកឧត្តម សក់ សេដ្ឋា ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានអចិន្ត្រៃយ៍ នៃ គ.ជ.អ.ប. មានការចូលរួមពីតំណាងក្រសួងមហាផ្ទៃ ក្រសួងមុខងារសាធារណៈ និងក្រសួងសេដ្ឋកិច្ចនិងហិរញ្ញវត្ថុ ព្រមទាំងមន្ត្រីបច្ចេកទេសជាច្រើនរូប៕