សកម្មជនគុយបា ដង្ហែរក្បួនជិះកង់ និងកង់បីអគ្គិសនី សម្តែងការជំទាស់ នៅពេលដែលអាមេរិកប្រឹងប្រែងធ្វើឱ្យប្រទេសនេះលែងមានប្រេងឥន្ធនៈសម្រាប់ប្រើប្រាស់
ឡាហាវ៉ាន៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសុក្រ ទី៣ ខែមេសា ឆ្នាំ២០២៦ សកម្មជនគុយបា បានដង្ហែរក្បួនដោយជិះកង់ និងកង់បីអគ្គិសនី តាមបណ្តោយមហាវិថីមាត់ទន្លេនៃរដ្ឋធានីឡាហាវ៉ាន រួមជាមួយប្រធានាធិបតីគុយបា លោក Miguel Diaz-Canel ដើម្បីសម្តែងការជំទាស់ នៅពេលដែលសហរដ្ឋអាមេរិក ប្រឹងប្រែងធ្វើឱ្យប្រទេសនេះលែងមានប្រេងឥន្ធនៈសម្រាប់ប្រើប្រាស់។
ក្រុមអ្នកចូលរួមក្បួនដង្ហែរៀបចំដោយរដ្ឋាភិបាល បានជិះកាត់ស្ថានទូតអាមេរិកប្រចាំរដ្ឋធានីឡាហាវ៉ាន។ យានអគ្គិសនីរបស់ពួកគេមានចង់ទង់ជាតិ និងបដាដែលសរសេរបរិហារទណ្ឌកម្មអាមេរិកលើគុយបា ដែលដាក់ចេញដោយរដ្ឋបាលប្រធានាធិបតី ដូណាល់ ត្រាំ។
ការប្រមូលផ្តុំគ្នានេះបានកើតឡើង មួយថ្ងៃបន្ទាប់ពីអ្នកការទូតកំពូលរបស់គុយបា នៅក្នុងទីក្រុងវ៉ាស៉ីនតោន ប្រកាសជាសាធារណៈឱ្យរដ្ឋាភិបាលអាមេរិក ជួសជុលសេដ្ឋកិច្ចគុយបាដែលកំពុងរងគ្រោះ ជាផ្នែកមួយនៃការចរចាដែលកំពុងបន្ត និងដែលមិនទាន់មានលទ្ធផល។ អ្នក ចូល រួម ដង្ហែក្បួន បាន និយាយ ថា ពួក គេ ពេញ ចិត្តនឹង ការ ចរចា ជាមួយ សហរដ្ឋ អាមេរិក ប៉ុន្តែ ទាមទារឱ្យមាន ការ គោរព ចំពោះ គុយបា។
គួរបញ្ជាក់ថា ថ្មីៗនេះ រដ្ឋបាលលោក ត្រាំ ដែលគំរាមយកពន្ធលើប្រទេសនាំចេញប្រេងទៅកាន់គុយបា និងបានហាមប្រាមការនាំចូលប្រេងរុស្ស៉ី បាននិយាយថា ខ្លួនបានអនុញ្ញាតឱ្យកប៉ាល់ដឹកប្រេងដោតទង់ជាតិរុស្ស៉ី ចូលចតនៅកំពង់ផែ Matanzas របស់គុយបា សម្រាប់ហេតុផលមនុស្សធម៌៕
