យន្តហោះចម្បាំង F-35A របស់អាមេរិកចំនួន ៦គ្រឿង បានមកដល់ប្រទេសកូរ៉េហើយ សម្រាប់សមយុទ្ធរួមគ្នា
សេអ៊ូល៖ ក្រសួងការពារជាតិកូរ៉េខាងត្បូង បាននិយាយថា យន្តហោះចម្បាំងបំបាំងកាយ F-35A ចំនួន ៦គ្រឿងរបស់អាមេរិក បានមកដល់ប្រទេសកូរ៉េខាងត្បូង នៅថ្ងៃអង្គារនេះ សម្រាប់សមយុទ្ធរួមគ្នា ជាមួយយន្តហោះចម្បាំងកូរ៉េខាងត្បូង។
ក្រសួងបានធ្វើសេចក្តីថ្លែងការណ៍មួយថា យន្តហោះចម្បាំងអាមេរិកគេចពីរ៉ាដា ដែលត្រូវបានដាក់ ពង្រាយទៅ កាន់ឧបទ្វីបកូរ៉េ ពីមូលដ្ឋានទ័ពអាកាស Eielson ក្នុងរដ្ឋអាឡាស្កា នឹងធ្វើសមយុទ្ធរួម គ្នាជាមួយកងទ័ពអាកាសកូរ៉េខាងត្បូង រហូតដល់ថ្ងៃទី ១៤ ខែកក្កដា។
វាត្រូវបានគេរាយការណ៍ថាជាការដាក់ពង្រាយយន្តហោះចម្បាំងបំបាំងកាយអាមេរិកជាលើកដំបូងនៅទីនេះចាប់តាំងពីចុងឆ្នាំ ២០១៧។
កងកម្លាំងសហរដ្ឋអាមេរិកកូរ៉េ (USFK) បាននិយាយនៅក្នុងសេចក្តីថ្លែងការណ៍ដាច់ដោយឡែកមួយថា យន្តហោះអាមេរិកគ្រោងធ្វើប្រតិបត្តិការ និងហោះហើរជាមួយយន្តហោះផ្សេងៗ គ្នាជាច្រើន របស់សហរដ្ឋអាមេរិក និងកូរ៉េខាងត្បូង រួមទាំងយន្តហោះ F-35 របស់កូរ៉េខាងត្បូងផងដែរ។
វាបានកត់សម្គាល់ថា ការស្គាល់គ្នា និងការហោះហើរហ្វឹកហ្វឺនជាទម្លាប់នឹងពង្រឹង អន្តរប្រតិបត្តិការ របស់កងកម្លាំងអាកាសទាំងពីរ ដើម្បីអនុវត្ត និងប្រតិបត្តិការនៅលើ និងជុំវិញឧបទ្វីបកូរ៉េ។
វាបានបន្ថែមថា យន្តហោះអាមេរិកគ្រោងធ្វើប្រតិបត្តិការលើទឹកដីកូរ៉េខាងត្បូង និងជុំវិញដែនទឹក នៅឆ្នេរសមុទ្រ ក្នុងអំឡុង ពេលបេសកកម្មហ្វឹកហាត់រយៈពេល ១0 ថ្ងៃដែលបានគ្រោងទុក។
