នាយឧត្តមសេនីយ៍ សៅ សុខា ដឹកនាំប្រជុំពិភាក្សាការងារ ត្រៀម រៀបចំគណៈកម្មការអន្តរក្រសួង រៀបចំមាតុភូមិនិវត្តន៍ អដ្ឋិធាតុយុទ្ធជនកម្ពុជា ពីវៀតណាម មកកាន់មាតុភូមិវិញ!
ភ្នំពេញ៖ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នាថ្ងៃទី៤ ខែកក្កដា ឆ្នាំ២០២២ បានអញ្ជើញជាអធិបតី ក្នុងពិធីប្រជុំពិភាក្សាការងារត្រៀមរៀបចំ គណៈកម្មការអន្តរក្រសួង រៀបចំមាតុភូមិនិវត្តន៍អដ្ឋិធាតុយុទ្ធជនកម្ពុជាចំនួន ៤៩រូប ពីប្រទេសវៀតណាម មកកាន់តំបន់ប្រវត្តិសាស្ត្រយោធាតេជោកោះថ្ម ( X16 ) ឃុំទន្លុង ស្រុកមេមត់ ខេត្តត្បូងឃ្មុំ ។
ក្នុងកិច្ចប្រជុំនេះមានការអញ្ជើញចូលរួមពីសំណាក់ មេបញ្ជាការរងឯកឧត្តមឧត្តមសេនីយ៍ តំណាងមកពីក្រួងការពារជាតិ ក្រសួងមហាផ្ទៃ អគ្គបញ្ជាការដ្ឋាន បញ្ជាការដ្ឋានអង្គរក្ស លោកនាយសេនាធិការ ស្នងការ ស្នងការរង និងអភិបាលរងខេត្តត្បូងឃ្មុំ ព្រមទាំងមន្ត្រីក្រសួងស្ថាប័ន ដែលមានការ ពាក់ព័ន្ធ ជាច្រើនរូបទៀតផង ៕
