លោកជំទាវ គឹម សុវណ្ណា ដឹកនាំសមាជិកាសមាគមនារីខណ្ឌ និងក្រុមការងារបណ្តាញនារី បំពេញទស្សនកិច្ចសិក្សា នៅខេត្តព្រះសីហនុ

ភ្នំពេញ៖ លោកជំទាវ គឹម សុវណ្ណា តំណាងរាស្រ្តមណ្ឌលរាជធានីភ្នំពេញ និងជាអនុប្រធានក្រុមការងារចុះជួយមូលដ្ឋានខណ្ឌបឹងកេងកង រួមជាមួយលោក គឹម ឈុនអ៊ូ ប្រធានក្រុមប្រឹក្សាខណ្ឌ លោកស្រី ស៊ិន រតនា អនុប្រធានអនុសាខាសមាគមនារីខណ្ឌ ចាប់ពីថ្ងៃទី២ និងថ្ងៃទី៣ ខែកក្កដា ឆ្នាំ២០២២ បានដឹកនាំសមាជិកាសមាគមនារីខណ្ឌ និងក្រុមការងារបណ្តាញនារីសង្កាត់ទាំង៧ នៃខណ្ឌបឹងកេងកងសរុបចំនួន ៥០រូប ទៅបំពេញទស្សន:កិច្ចសិក្សា នៅខេត្តព្រះស៊ីហនុ ចំនួន ១យប់ ២ថ្ងៃ ដោយទទួលបានការឧបត្ថម្ភថវិកាពី ឯកឧត្តម សំហេង បុរស រដ្ឋមន្រ្តីប្រតិភូអមនាយករដ្ឋមន្ត្រី រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានទី១ ក្រុមការងារថ្នាក់ជាតិចុះជួយខណ្ឌបឹងកេងកង ព្រមទាំងទទួលបានការឧបត្ថម្ភភេសជ្ជៈពីលោក ធឹម សំអាន អភិបាល នៃគណ:អភិបាលខណ្ឌបឹងកេងកងផងដែរ ៕