ឧត្តរមានជ័យ៖ ក្នុងស្មារតីយកចិត្តទុកដាក់ និងគិតគូរចំពោះសុខទុក្ខរបស់វីរកងទ័ពដែលបានលះបង់ដើម្បីជាតិ នៅថ្ងៃទី១៤ ខែធ្នូ ឆ្នាំ២០២៥នេះ ឯកឧត្ដម មាន ចាន់យ៉ាដា អភិបាល នៃគណៈអភិបាលខេត្តឧត្ដរមានជ័យ បានចុះសួរសុខទុក្ខដោយផ្ទាល់ដល់វីរកងទ័ពដែលរងរបួសលើសមរភូមិសង្គ្រាម។
ឯកឧត្ដមអភិបាលខេត្តឧត្ដរមានជ័យ បានសម្ដែងនូវសេចក្ដីអាណិតអាសូរ និងការគោរពដឹងគុណយ៉ាងជ្រាលជ្រៅបំផុតចំពោះវីរកងទ័ពជួរមុខ ដែលបានខិតខំប្រយុទ្ធការពារបូរណភាពទឹកដី និងអធិបតេយ្យភាពជាតិ ពីការឈ្លានពានរបស់យោធាថៃទាំងយប់ទាំងថ្ងៃយ៉ាងអង់អាចក្លាហាន។
ក្នុងនោះដែរឯកឧត្ដម មាន ចាន់យ៉ាដា អភិបាលខេត្តឧត្ដរមានជ័យ ក៏បាននាំយកថវិការរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ឧបត្ថមដល់វីរកងទ័ពដែលកំពុងសម្រាកព្យាបាលផងដែរ៕
