លោកជំទាវ គឹម សុវណ្ណា អញ្ជើញចុះចែកអំណោយជូនប្រជាពលរដ្ឋ ក្នុងខណ្ឌបឹងកេងកង រាជធានីភ្នំពេញ
ភ្នំពេញ៖ លោកជំទាវ គឹម សុវណ្ណា តំណាងរាស្រ្តមណ្ឌលរាជធានីភ្នំពេញ និងជាអនុប្រធានក្រុមការងារចុះជួយមូលដ្ឋានខណ្ឌបឹងកេងកង រួមជាមួយ លោក ធឹម សំអាន អភិបាលខណ្ឌ និងជាប្រធានអនុសាខាកាកបាទក្រហមខណ្ឌបឹងកេងកង លោក គឹម ឈុនអ៊ូ ប្រធានក្រុមប្រឹក្សាខណ្ឌ និងជាប្រធានកិត្តិយសអនុសាខា និងសមាជិក សមាជិកាអនុសាខាកាកបាទក្រហមខណ្ឌបឹងកេងកង នាព្រឹកថ្ងៃទី១ ខែកក្កដា ឆ្នាំ២០២២ បានអញ្ជើញចុះជួបសំណេះសំណាល សាកសួរសុខទុក្ខ ចែកអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែន ប្រធានកាកបាទក្រហមកម្ពុជា និងអំណោយរបស់អនុសាខាកាកបាទក្រហមកម្ពុជាខណ្ឌបឹងកេងកងជូនដល់ប្រជាពលរដ្ឋចំនួន ៨០គ្រួសារ ដែលអញ្ជើញមកពីសង្កាត់ទាំង៧ នៃខណ្ឌបឹងកេងកង នៅសាលាខណ្ឌបឹងកេងកង រាជធានីភ្នំពេញ។
អំណោយដែលបានចែកជូននាពេលនេះ ក្នុងមួយគ្រួសារទទួលបានអង្ករចំនួន ២៥គីឡូក្រាម មីចំនួន ១០កញ្ចប់ ស្ករស ១គីឡូក្រាម ទឹកត្រី ២ដប ទឹកស៊ីអ៊ីវ ២ដប ជែល ២ដប និងម៉ាស់ ១០ ផងដែរ ៕
