បញ្ជាការដ្ឋានយោធភូមិភាគទី៤ ផ្សព្វផ្សាយផែនការណែនាំ ស្តីពីការងារចាត់តាំងអនុវត្ត ការងារអប់រំចិត្តសាស្ត្រ និងសភាពការថ្មីៗដល់ បណ្តាអង្គភាពចំណុះ
ភ្នំពេញ៖ ឧត្តមសេនីយ៍ត្រី ហ៊ុយ វុទ្ធី មេបញ្ជាការរងយោធភូមិភាគទី៤ នាថ្ងៃទី៣០ ខែមិថុនាឆ្នាំ២០២២ បានប្រជុំផ្សព្វផ្សាយផែនការណែនាំ ស្តីពីការងារចាត់តាំងអនុវត្ត ការងារអប់រំចិត្តសាស្រ្ត និងសភាពការណ៍ថ្មីៗ ជាតិ អន្តរជាតិ និងភាពរីកចម្រើនលើគ្រប់វិស័យក្រោមការដឹកនាំប្រកបដោយគតិបណ្ឌិត សម្ដេចអគ្គមហាសេនាបតី តេជោ ហ៊ុន សែន ប្រមុខរាជរដ្ឋាភិបាល នៃព្រះរាជាណាចក្រកម្ពុជា ដល់បណ្តាកងឯកភាពចំណុះ យោធភូមិភាគទី៤។
ឧត្តមសេនីយ៍ត្រី មេបញ្ជាការរង បានសង្កត់ធ្ងន់ថា ក្រោយពីទទួលបានផែនការ សូមឱ្យនាយទាហានជំនាញអប់រំចិត្តសាស្រ្ត តាមបណ្តាកងឯកភាពត្រូវយកចិត្តទុកដាក់លើការងារអប់រំ ផ្សព្វផ្សាយ ដល់នាយទាហាន នាយទាហានរង និងពលទាហាន នៅក្នុងអង្គភាព ឱ្យបានម៉ឺងម៉ាត់នូវខ្លឹមសារអប់រំចិត្តសាស្ត្រទាំង ៨ចំណុច ជាពិសេសគោរព និងអនុវត្តឱ្យបានខ្ជាប់ខ្ជួន នូវច្បាប់លក្ខនត្តិក និងបទបញ្ញត្តិទូទៅនៃកងយោធពលខេមរភូមិន្ទ សំដៅជ្រោងទង់ស្នេហា ការពារជាតិ ទឹកដី និងប្រជាជន ឥតងាករេ។
ឧត្តមសេនីយ៍ត្រី បានមានប្រសាសន៍បញ្ជាក់ថា កងទ័ពត្រូវគោរព និងការពារ រដ្ឋធម្មនុញ្ញ និងដើតាមមាគ៌ាដឹកនាំដ៏ត្រឹមត្រូវប្រកបដោយគតិបណ្ឌិត របស់សម្តេច អគ្គមហាសេនាបតី តេជោ ហ៊ុន សែន និងប្រឆាំងដាច់ខាតការប៉ុនប៉ងណាមួយដើម្បីផ្ដួរំលំរដ្ឋាភិបាលស្របច្បាប់ដែលប្រសូត្រចេញញពីការបោះឆ្នោត ពិសេសចូលរួមទប់ស្កាត់មិនអោយមានបដិវត្តន៍នៅលើទឹកដីខ្មែរជាដាច់ខាត ៕
