ប្រធានាធិបតីឥណ្ឌូណេស៊ី ស្នើសុំលោក ដូណាល់ ត្រាំ ដើម្បីជួបជាមួយកូនប្រុសរបស់លោកគឺ លោក អេរីក ត្រាំ ដែលជាអនុប្រធានប្រតិបត្តិរបស់ក្រុមហ៊ុនត្រាំ
ហ្សាការតា៖ លោក ប្រាបូវ៉ូ ស៊ូប៊ីយ៉ានតូ ប្រធានាធិបតីឥណ្ឌូណេស៊ី កាលពីថ្ងៃទី១៣តុលា បានស្នើសុំប្រធានាធិបតីអាម៉េរិក លោក ដូណាល់ ត្រាំ ដើម្បីជួបជាមួយកូនប្រុសរបស់លោក គឺ លោក អេរីក ត្រាំ ដែលជាអនុប្រធានប្រតិបត្តិរបស់ក្រុមហ៊ុនត្រាំ។
ការ សន្ទនា នេះ កើត ឡើង បន្ទាប់ ពី សន្ទរកថារបស់ លោក ត្រាំ នៅ ក្នុង កិច្ច ប្រជុំ កំពូល សន្តិភាព នៅ អេហ្ស៊ីប។ លោក ត្រាំ បានឆ្លើយតបថា គាត់នឹងឱ្យលោក អេរីក ហៅទូរសព្ទទៅលោក ប្រាបូវ៉ូ។ លោក ប្រាបូវ៉ូ បានទទួលយកការអញ្ជើញភ្លាមៗ ឱ្យចូលរួមក្នុងកិច្ចប្រជុំកំពូលសន្តិភាពហ្កាហ្សានៅប្រទេសអេហ្ស៊ីប។ ឥណ្ឌូណេស៊ីជាប្រទេសអាស៊ីភាគអាគ្នេយ៍តែមួយគត់ ដែលចូលរួមក្នុងកិច្ចប្រជុំកំពូលលើកិច្ចព្រមព្រៀងសង្គ្រាមនៅតំបន់ហ្កាហ្សា និងមួយក្នុងចំណោមប្រទេសមួយចំនួន ដែលបានចូលរួមក្នុងប្រទេសដែលមិនបានបង្កើតទំនាក់ទំនងការទូតជាមួយអ៊ីស្រាអែល។
គួរបញ្ជាក់ថា លោក អេរីក ត្រាំ និងប្អូនប្រុសរបស់គាត់ គឺលោក ដូណាល់ ត្រាំ ជូនៀ គឺជាអនុប្រធានប្រតិបត្តិនៃក្រុមហ៊ុនត្រាំ ដែលប្រតិបត្តិការអចលនទ្រព្យ បដិសណ្ឋារកិច្ច និងបណ្តាក់ទុន។ យ៉ាងណា វាមិនច្បាស់ថា តើការសន្ទនានេះសំដៅទៅលើអាជីវកម្មណាមួយ ដែលពាក់ព័ន្ធនឹងក្រុមហ៊ុន ឬក្រុមគ្រួសាររបស់ប្រធានាធិបតីអាម៉េរិកនោះទេ។ ក្រុមហ៊ុនត្រាំ ក៏មានដំណើរការអាជីវកម្មនៅឥណ្ឌូណេស៊ីដែរ។ ក្រុមហ៊ុននេះ ដំណើរការក្លឹបវាយកូនហ្គោលនៅខាងក្រៅរដ្ឋធានីហ្សាការតា និងក្លឹបវាយកូនហ្គោល និងរមណីយដ្ឋាននៅកោះបាលីនឹងមកដល់ឆាប់ៗនេះ៕
