ប្រធានាធិបតីរុស្ស៊ី៖ ពិភពលោកត្រូវការ គំរូអភិវឌ្ឍន៍ថ្មី មួយដែលមិន ផ្អែកលើគោលការណ៍ នៃលទ្ធិអាណានិគមនិយម និងមានភាពធន់នឹង ឧបាយកលនយោបាយទៀត នោះទេ
បរទេស៖ ប្រធានាធិបតីរុស្ស៊ី លោក Vladimir Putin បាននិយាយថា ពិភពលោកត្រូវការ គំរូអភិវឌ្ឍន៍ថ្មី មួយដែលមិន ផ្អែកលើគោលការណ៍ នៃលទ្ធិអាណានិគមនិយម និងមានភាពធន់នឹង ឧបាយកលនយោបាយទៀតនោះទេ។ នេះបើយោងតាមការចេញផ្សាយរបស់ RT។
ថ្លែងកាលពីថ្ងៃសុក្រក្នុងសម័យប្រជុំពេញអង្គ នៃវេទិកាសេដ្ឋកិច្ចអន្តរជាតិ St. Petersburg លោក Putin បានបញ្ជាក់ថា ពេញមួយទសវត្សរ៍កន្លង មកនេះ អ្វីដែលគេហៅថា ពាន់លានមាសឬ Golden Billion បាននិងកំពុងទាញ យកធនធាន ពីប្រទេសផ្សេងៗ ដើម្បីជាប្រយោជន៍ ដល់ផលប្រយោជន៍ នៃក្រុមឥស្សរជនមួយក្រុម ។
លោកបានចង្អុលទៅ ឧទាហរណ៍ របស់សហរដ្ឋអាមេរិក ដោយនិយាយថា ប្រាក់ចំណូលខ្ពស់ របស់ប្រទេសនេះ មិនដែលកើតឡើងចំពោះដល់ពលរដ្ឋសាមញ្ញ ឬវណ្ណៈកណ្តាលនោះទេ។
ប្រធានាធិបតីរុស្ស៊ី បានទទូចថាការផ្លាស់ប្តូរ នៅក្នុងវិស័យនយោបាយ គួរតែត្រូវបានឆ្លុះបញ្ចាំងនៅក្នុងគុណភាព នៃជីវិតរបស់ប្រជាជន នៅក្នុងការ អប់រំវិទ្យាសាស្ត្រ និងហេដ្ឋារចនាសម្ព័ន្ធ ។ គាត់បានអំពាវនាវឱ្យមាន គំរូអភិវឌ្ឍន៍ថ្មីជាមូលដ្ឋាន មួយដែលមិន ត្រូវបានបង្កើតឡើង នៅលើច្បាប់នៃ neocolonialism ។
លោកPutinបានបន្ថែមថា យន្តការចាស់ នៃយុគសម័យ សាកលភាវូបនីយកម្ម បានហួសពីអត្ថប្រយោជន៍របស់វា ហើយមិនមាន សូម្បីតែការខិតខំប្រឹងប្រែង ដើម្បីធ្វើទំនើបកម្មវាក៏ដោយ។ លោកបន្តថាផ្ទុយទៅ វិញ ឥឡូវនេះត្រូវបង្កើតគំរូថ្មី ដោយគិតដល់ ផលប្រយោជន៍ជាតិរបស់រដ្ឋទាំងអស់៕
