លោក សិទ្ធិ ឡោះ នាំយកអំណោយជាថវិកានិងគ្រឿងឧបភោគបរិភោគ របស់ឯកឧត្តម ស សុខានិងលោកជំទាវទៅប្រគល់ជូនមណ្ឌលកុមារកំព្រាវិសាខានៃក្តីសង្ឈឹមវត្តខ្ចាស់

បន្ទាយមានជ័យ៖លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នាំយកអំណោយជាថវិកានិងគ្រឿងឧបភោគបរិភោគ របស់ឯកឧត្តមអភិសន្តិបណ្ឌិតស សុខានិងលោកជំទាវទៅប្រគល់ជូនមណ្ឌលកុមារកំព្រាវិសាខានៃក្តីសង្ឈឹមវត្តខ្ចាស់

ថ្ងៃទី ០១ ខែ មិថុនា ឆ្នាំ២០២៥ លោក ឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានដឹកនាំក្រុមការងារ រួមមាន៖ Mr Hao Yun hotel , Mr Huang Cheng Lao ma , Mr xin xin Hotel លោក ឧត្តមសេនីយ៍ត្រី អេង លីហួរ ស្នងការរង ផែនការងារអន្តោប្រវេស្តន៍លោក វរសេនីយ៍ទោ ព្រហ្ម ពិសិដ្ឋ អធិការក្រុងប៉ោយប៉ែត លោក វរសេនីយ៍ទោ បោន សីហា មេបញ្ជាការរង វរសេនាតូចនគរបាលការពារព្រំដែនគោក ៨៩១, , លោក សឿម សាអ៊ីម អគ្គនាយកក្រុមហ៊ុន Grand Diamond City បានយកអំណោយ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី មកប្រគល់ជូនមណ្ឌលកុមារកំព្រា វិសាខានៃក្តីសង្ឃឹមវត្តខ្ចាស់ ស្ថិតក្នុងភូមិខ្ខាស់ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ ដែលបច្ចុប្បន្នមានក្មេងកុមារកព្រាសរុបចំនួន ៦១ នាក់ ស្រី ៣៦ នាក់ កំពុងស្នាក់នៅ ។

អំណោយទាំងនោះ រួមមាន៖១- ថវិកា ចំនួន ៩.០០០.០០០រៀល,២- អង្ករ ចំនួន ០៣ តោន,៣- មី ចំនួន ៦០ កេស(តូច),៤- ទឹកត្រី ចំនួន ២០ យួរ,៥- ទឹកស៊ីអ៊ីវ ចំនួន ២០ យួរ,៦- នំ ប៊ឺហ្គឹ ចំនួន ៦៨ ប្រអប់ ,៧- នំ ភីហ្សារស់ជាតិគ្រឿងសមុទ្រ ចំនួន ២០ ប្រអប់,៨- នំប៉័ងរួមចម្រុះ ចំនួន ១៥០ កញ្ចប់ ។

ថ្លែងក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ បានពាំនាំប្រសាសន៍ផ្ដាំផ្ញើរ សួរសុខទុក្ខ និងក្ដីនឹករលឹកពីសំណាក់ ឯកឧត្តមអភិសន្ដិបណ្ឌិត និងលោកជំទាវ ជម្រាបដល់ប្អូនៗទាំងអស់ ត្រូវខិតខំព្យាយាមសិក្សារៀនសូត្រដើម្បីអនាគត់របស់ប្អូនៗ ក្មួយៗ ទោះបីប្អូនៗ ក្មួយៗ មិនមានឪពុកម្ដាយក៏ពិតមែន ប៉ុន្ដែប្អូនៗ ក្មួយៗ មានថ្នាក់ដឹកនាំដ៏ល្អតាមជួយទំនុកបំរុងថែរក្សាជាប្រចាំ និងដោយយកចិត្តទុកដាក់ខ្ពស់ពីសំណាក់គណៈគ្រប់គ្រងមជ្ឈមណ្ឌល ការបង្ហាត់បង្រៀនពីលោកគ្រូ អ្នកគ្រូ ដូច្នេះសូមប្អូនៗ ក្មួយៗត្រូវស្តាប់បង្គាប់គណៈគ្រប់គ្រងមណ្ឌលក៏ដូចជាលោកគ្រូ អ្នកគ្រូផងដែរ ។

ទន្ទឹមនោះដែរ ឯកឧត្តមអភិសន្ដិបណ្ឌិត និងលោកជំទាវ មានក្ដីសង្ឃឹមខ្ពស់ចំពោះប្អូនៗ ក្មួយៗទាំងអស់ទៅថ្ងៃអាគតនឹងមានអនាគតដ៏ល្អប្រសើរនៅក្នុងជីវិតរបស់ខ្លួន ៕ ណុប រក្សា(២៩០១៦)