ពន្ធនាគារខេត្តកំពង់ចាម រៀបចំកិច្ចប្រជុំពិនិត្យលទ្ធផលការងារប្រចាំខែឧសភា និងលើកទិសដៅការងារបន្តសម្រាប់ខែមិថុនា ឆ្នាំ២០២៥

កំពង់ចាម៖ នៅព្រឹកថ្ងៃចន្ទ ទី២៦ ខែឧសភា ឆ្នាំ២០២៥ នៅសាលប្រជុំពន្ធនាគារខេត្តកំពង់ចាម លោក ឧត្តមអគ្គានុរក្សថ្នាក់លេខ២ ហ៊ុន ខី ប្រធានពន្ធនាគារខេត្តកំពង់ចាម បានដឹកនាំកិច្ចប្រជុំពិនិត្យលទ្ធផលការងារប្រចាំខែឧសភា និងលើកទិសដៅការងារបន្តសម្រាប់ខែមិថុនា និងបានផ្សព្វផ្សាយអនុសាសន៍ណែនាំ ដ៏ខ្ពង់ខ្ពស់ ឯកឧត្តម ឧត្តមអគ្គានុរក្សថ្នាក់លេខ១ អគ្គនាយក នៃអគ្គនាយកដ្ឋានពន្ធនាគារ ក្នុងស្មារតីប្រជុំកាលពីថ្ងៃទី២២ ខែឧសភា ឆ្នាំ២០២៥ ដោយមានការអញ្ចើញចូលរួមពីលោក លោកស្រីថ្នាក់ដឹកនាំ និងមន្ត្រីទាំងអស់។

ឆ្លៀតក្នុងឱកាសនេះលោកប្រធានពន្ធនាគារបានកោតសរសើរដល់ថ្នាក់ដឹកនាំ និងមន្ត្រីទាំងអស់ក្នុងពន្ធនាគារខេត្តកំពង់ចាមក្នុងការគ្រប់គ្រងដឹកនាំពន្ធនាគារបានល្អប្រសើរ។

លោកប្រធានពន្ធនាគារបានដាក់ទិសដៅអនុវត្តការងារបន្ត៖
-មន្ត្រីទាំងអស់ត្រូវមានក្រមសីលធម៌ល្អ គោរពវិន័យបទបញ្ជាផ្ទៃក្នុង និងត្រូវមានឆន្ទៈខ្ពស់ក្នុងការងារ
-មន្ត្រីទាំងអស់ត្រូវកាត់សក់ឲ្យបានខ្លី
-ត្រូវបញ្ចប់តាមទម្លាប់ចាស់ ធ្វើតាមទម្រង់ថ្មី
-ត្រូវគ្រប់គ្រងបទល្មើសពិសេសតាមបន្ទប់ឃុំឃាំងនីមួយៗ
-ត្រូវរៀបចំចំណាត់ថ្នាក់សន្តិសុខឲ្យបានត្រឹមត្រូវ
-ត្រូវរៀបចំកត់ត្រាចំពោះអ្នកចូលសួរសុខទុក្ខជនជាប់ឃុំទាំងអស់តាមបច្ចេកវិជ្ជាឌីជីថល
-សូមប្រុងប្រយ័ត្នការឆ្លងបាត់តេរីអង់ត្រាក់ ឬជំងឺឈាមខ្មៅ
-សូមប្រុងប្រយ័ត្នចំពោះសុខភាព ពាក់ម៉ាស់ការពារជំងឺផ្ដាសាយ(កូវីដ-១៩)ប្រភេទ JN.1៕