ការសិក្សា៖ ជិត៦០ភាគរយនៃភូមិស្រុករបស់ប្រទេសឥណ្ឌា ដែលមានប្រហែល៣ភាគ៤នៃចំនួនប្រជាជនសរុប ប្រឈមមុខនឹងហានិភ័យខ្ពស់ពីរលកកម្តៅក្ដៅខ្លាំង
ញូវដេលី៖ ការសិក្សាដោយក្រុមប្រឹក្សាថាមពលបរិស្ថាន និងទឹក (CEEW) បានរកឃើញថា ជិត៦០ភាគរយនៃភូមិស្រុករបស់ប្រទេសឥណ្ឌា ដែលមានប្រហែល៣ភាគ៤នៃចំនួនប្រជាជនសរុប ប្រឈមមុខនឹងហានិភ័យខ្ពស់ពីរលកកម្តៅក្ដៅខ្លាំង។
ការសិក្សាបានរកឃើញថា៖«ប្រហែល៥៧ភាគរយនៃភូមិស្រុករបស់ប្រទេសឥណ្ឌា ជាជម្រករបស់ប្រជាជនប្រមាណ ៧៦ភាគរយ បច្ចុប្បន្ន មានហានិភ័យខ្ពស់ដោយសាររលកកម្តៅឡើងក្ដៅខ្លាំង»។
ការ សិក្សា នេះ កើត ឡើង ខណៈ ផ្នែក ខ្លះ នៃ ភាគ ខាង ជើង ប្រទេស ឥណ្ឌា បន្ត ជួប ប្រទះ នឹង រលក កម្ដៅ ធ្ងន់ធ្ងរ។ មនុស្សរាប់ពាន់លាននាក់នៅទូទាំងអាស៊ីខាងត្បូង កំពុងប្រឈមមុខនឹងកំណើនសីតុណ្ហភាពជារៀងរាល់ឆ្នាំ។
ការសិក្សាក៏បានគូសបញ្ជាក់ពីការកើនឡើងនៃសំណើមនៅទូទាំងប្រទេសឥណ្ឌាភាគខាងជើង រួមទាំងតំបន់ស្ងួត ដែលបង្កើនកម្តៅក្នុងរាងកាយមនុស្ស។
ដើម្បីដោះស្រាយបញ្ហានេះ ការសិក្សានេះបានណែនាំលើកត្តានៃសំណើម និងប្រជាសាស្ត្រក្នុងការធ្វើផែនការហានិភ័យកម្តៅ និងបង្កើតផែនការសកម្មភាពរវាងរដ្ឋ។ ឥណ្ឌាបានកត់ត្រាករណីជំងឺ heatstroke ជាង៤ម៉ឺនករណី ហើយមនុស្សយ៉ាងហោចណាស់១១០នាក់បានស្លាប់ចន្លោះថ្ងៃទី១ ខែមីនាដល់ថ្ងៃទី១៨ ខែមិថុនាឆ្នាំមុន៕
