ក្រសួងរៀបចំដែនដី បើកកិច្ចប្រជុំពង្រឹងនិង ការបង្កើនប្រសិទ្ធភាព ការសិក្សាគម្រោងប្លង់ ការត្រួតពិនិត្យនិងបញ្ជាក់សំណង់

ភ្នំពេញ៖ កាលពីថ្ងៃទី១២ ខែឧសភា ឆ្នាំ២០២៥ ក្រសួងរៀបចំដែនដី នគរូបនីយកម្ម និងសំណង់ បានបើកកិច្ចប្រជុំស្ដីពី ការ ពង្រឹងនិងការបង្កើនប្រសិទ្ធភាពការសិក្សាគម្រោងប្លង់ ការត្រួតពិនិត្យ និងបញ្ជាក់សំណង់។

នៅក្នុងកិច្ចប្រជុំឯកឧត្តម សាយ សំអាល់ ឧប នាយករដ្ឋមន្ត្រី រដ្ឋមន្ត្រីក្រសួង រៀបចំដែនដី នគរូប នីយកម្ម និងសំណង់ មានប្រសាសន៍ថា កិច្ចប្រជុំធ្វើឡើង ដើម្បីឈានទៅកំណត់ ទស្សនៈវិស័យរួមលើវិស័យសំណង់ សំដៅធ្វើ ឱ្យសំណង់ស្ថាបត្យកម្មខ្មែរសហសម័យ កាន់តែមានគុណភាព មានសុវត្ថិភាព មានសោភណភាពការពារបានកាន់តែប្រសើរ នូ វសុខុមាលភាព និងទ្រព្យសម្បត្តិរបស់ម្ចាស់សំណង់, អ្នកប្រើប្រាស់សំណង់ និងសាធា រណជន និងមានបរិស្ថានល្អសម្រាប់ការរស់នៅប្រកបដោយចីរភាព។

កិច្ចប្រជុំក៏ធ្វើឡើងដើម្បីប្រមូលធាតុចូលពី សមាជិកអង្គប្រជុំក្នុងន័យពិគ្រោះយោបល់ គ្នាថា តើការរៀបចំលិខិតបទដ្ឋានគតិយុត្ត ស្ថិតក្នុងកម្រិតមួយ ដែលមានការឯកភាពគ្នា ឬ យ៉ាងណាសម្រាប់អនុវត្តបានចំពោះស្ថានភាពកម្ពុាជានាពេលបច្ចុប្បន្ន ។នេះជាការបញ្ជាក់របស់ឯកឧត្តមឧបនាយករដ្ឋមន្ត្រី សាយសំអាល់។

ឯកឧត្តមឧបនាយករដ្ឋមន្ត្រីបន្តថា អ្វីដែលក្រសួងរៀបចំដែនដី នគរូបនីយកម្ម និងសំណង់ខិតខំប្រឹងប្រែងគិតគូររៀបចំទាំងអស់នេះ គឺក្រសួងមានបំណងចង់ឱ្យវិស័យសំណង់ក្លាយជាវិស័យមួយដែលមិនជាប់គាំងនិងមានដំណើរការប្រកបដោយស្ថិរភាពល្អសម្រាប់សង្គមជាតិកម្ពុជា, ជាកន្លែង មួយដែលមនុស្ស អាចបញ្ចេញទេពកោសល្យ, ជាកន្លែងដែលមនុស្ស មានភាពរីករាយក្នុងការបំពេញ ការងារ,និងធ្វើយ៉ាងណាឱ្យមនុស្សដែលធ្វើការ ក្នុងវិស័យសំណង់ដូចជា កម្មករសំណង់ជាដើមមានជីវភាពល្អប្រសើរនិងមានក្តីសង្ឃឹមក្នុងជីវិត។

សូមជម្រាបថា កិច្ចប្រជុំខាងលើបានប្រព្រឹត្តទៅនៅទីស្ដីការក្រសួងរៀបចំដែនដីនេះដោយមានការចូលរួមពីតំណាងក្រសួង ធនធានទឹក និងឧតុនិយម, ក្រសួង រ៉ែ និងថាមពល, គណៈវិស្វករកម្ពុជា, គណៈស្ថាបត្យករកម្ពុជា , សមាគមអ្នក សាង សង់ កម្ពុជា, សមាគមអ្នកអភិវឌ្ឍន៍លំនៅឋានកម្ពុជា, សមាគមអ្នកវិនិយោគ ក្រុមហ៊ុនត្រួត ពិនិត្យនិងបញ្ជាក់សំណង់ក្រុមហ៊ុនសិក្សាគម្រោងប្លង់ និងក្រុមហ៊ុនសាងសង់៕