នាវាកងទ័ពជើងទឹករុស្សី ចំនួន៣គ្រឿងចូលចតនៅកំពង់ផែរបស់កម្ពុជា ដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព កម្ពុជា-រុស្សី
ភ្នំពេញ៖ នៅព្រឹកថ្ងៃចន្ទ ទី២៨ ខែមេសា ឆ្នាំ២០២៥ លោកឧត្តមនាវីត្រី ជួន ទី មេបញ្ជាការរង មូលដ្ឋានសមុទ្ររាម និងនាយនាវីជាច្រើនរូប អញ្ជើញទៅ ទទួលស្វាគមន៍នាវាកងទ័ពជើងទឹករុស្សី ចំនួន០៣គ្រឿង ឈ្មោះ៖ ១-នាវា Rezky(343) , ២-នាវា Hero of the Russian Federation Aldar Tsydenzhapov(339), ៣-នាវា Pechenga ដឹកនាំដោយវរនាវីឯក ALEKSEI ANTSIFEROV នាយសេនាធិការ ផ្នែកនាវាលើផ្ទៃទឹកកងនាវាប៉ាស៊ីហ្វិក នៃសហព័ន្ធរុស្សី នៅកំពង់ផែស្វយ័តក្រុងព្រះសីហនុ។
ក្នុងដំណើរបំពេញទស្សនកិច្ចនៅព្រះរាជាណាចក្រកម្ពុជារយៈពេល៤ថ្ងៃ គិតចាប់ពីថ្ងៃទី២៨ ខែមេសា ដល់ថ្ងៃទី១ ខែឧសភា ឆ្នាំ២០២៥ គឺដើម្បីពង្រឹងកិច្ចសហប្រតិបត្តិការល្អ បង្កើនទំនាក់ទំនង និងរឹតចំណងមិត្តភាព សាមគ្គីភាពឱ្យកាន់តែល្អទ្វេឡើងថែមទៀត រវាងប្រទេសទាំងពីរ(កម្ពុជា-រុស្សី)។
-លក្ខណៈបច្ចេកទេស
១.នាវាឈ្មោះRezky
-មេបញ្ជានាវាលោកវរនាវីឯក Kovalev Evgeny
+ទម្ងន់ផ្ទុក ២២៥០ តោន
+បណ្ដោយ ១០៤,៥ ម៉ែត្រ
+ទទឹង ១៣ ម៉ែត្រ
+ជម្រៅទឹក ៧,៩៥ ម៉ែត្រ
២.នាវាឈ្មោះ Hero of the Russian Federation Aldar Tsydenzhapov
-មេបញ្ជាការនាវា លោកវរនាវីឯក Grozny Dmitry
+ទម្ងន់ផ្ទុក ២២៥០ តោន
+បណ្ដោយ ១០៤,៥ ម៉ែត្រ
+ទទឹង ១៣ ម៉ែត្រ
+ជម្រៅទឹក ៧,៩៥ ម៉ែត្រ
៣.នាវាឈ្មោះ Pechenga
-មេបញ្ជាការនាវា លោកវរនាវីឯក Grozny Alexander
+ទម្ងន់ផ្ទុក ១២៨៩១ តោន
+បណ្ដោយ ១៣០ ម៉ែត្រ
+ទទឹង ២០ ម៉ែត្រ
+ជម្រៅទឹក ៧,២ ម៉ែត្រ៕
