សម្ពោធដាក់ឱ្យប្រើប្រាស់ជាផ្លូវការ អាគារមណ្ឌលសុខភាព ឈ្នួរមានជ័យ មណ្ឌលសុខភាពប្រាសាទ និងមណ្ឌលសុខភាពបល្ល័ង្ក ដែលបានជួសជុល និងកែលម្អឡើងវិញ

បន្ទាយមានជ័យ៖ ឯកឧត្តម អ៊ុក សឿន សមាជិកក្រុមប្រឹក្សាខេត្ត តំណាងឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាធិបតីភាព ក្នុងពិធីសម្ពោធដាក់ឲ្យប្រើប្រាស់ជាផ្លូវការ អាគារ មណ្ឌលសុខភាព ឈ្នួរមានជ័យ មណ្ឌលសុខភាពប្រាសាទ និងមណ្ឌលសុខភាពបល្ល័ង្ក ដែលបានជួសជុល និងកែលម្អឡើងវិញ ក្រោមជំនួយគាំទ្រថវិកា របស់សមាគមនិកាយសាសនាចក្រ នៃព្រះយេស៊ូគ្រីស្ទ នៃពួកបរិស័ទថ្ងៃចុងក្រោយ ដែលមានការចូលរួមពីរ លោក រ័ត្ន ច័ន្ទសុភាព ប្រធានសមាគមនិកាយ សាសនាចក្រនៃព្រះយេស៊ូគ្រីស្ត នៃពួកបរិសុទ្ធថ្ងៃចុងក្រោយ និងសមាជិកប្រតិភូអមដំណើរ ម្ចាស់ជំនួស តំណាងអង្គការដៃគូ បុគ្គលិកសុខាភិបាល បងប្អូនប្រជាពលរដ្ឋ សិស្សានុសិស្ស និងយុវជន ប្រារព្ធធ្វើឡើងនៅបរិវេណ មណ្ឌលសុខភាពឈ្នួរមានជ័យ ស្ថិតនៅឃុំឈ្នួរមានជ័យ ស្រុកព្រះនេត្រព្រះ នារសៀលថ្ងៃទី០៣ ខែកម្ភៈ ឆ្នាំ២០២៥។

លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តបានមានប្រសាសន៍ថា ១.ពង្រឹងសមត្ថភាពផ្ដល់សេវាសុខភាពបឋមនៅមណ្ឌលសុខភាពនឹងមន្ទីរពេទ្យបង្អែកដោយយកចិត្តទុកដាក់លើពង្រាយបុគ្គលិកគ្រប់ចំនួនដែលមានក្រមសីលធម៏ល្អនឹងទទួលបានបណ្ដុះបណ្ដាលត្រឹមត្រូវ ការផ្គត់ផ្គង់ឱសថ សម្ភារបរិក្ខាការបំពាក់ឧបករណ៍ពេទ្យការកែលម្អហេដ្ធារចនាសម្ព័ន្ធនឹងការប្រើប្រាស់បច្ចេកវិទ្យាព័ត៌មាននឹងសុខាភិបាលឌីជីថល។ ២.អភិវឌ្ឈសមត្ថភាពស្ថាប័នសុខាភិបាលថ្នាក់ជាតិនឹងថ្នាក់ក្រោមជាតិក្នុងការគ្រប់គ្រងធនធានមនុស្សនឹងហិរញ្ញវត្ថុនិយតកម្មកាតឆ្លើយតបនឹងការគំរាមកំហែងសុខភាពសាធារណៈនឹងគ្រោះអាសន្នសុខភាពការផ្ដល់សេវាកាន់តែមានភាពឆ្លើយតបប្រកបដោយសមធម៌នឹងគណនេយ្យខ្ពស់នឹងកាតលើកកម្ពស់ប្រសិទ្ធភាពនៃកិច្ចដំណើរការមុខងារស្ថាប័ន។

ដើម្បីឆ្លើយតបធ្វើអនុវត្តឆ្លើយតបនឹងកម្មវិធីនយោបាយនឹងផែនការយុទ្ធសាស្រ្តវិស័យសុខាភិបាលមន្ទីរសុខាភិបាលនៃរដ្ធបាលខេត្តបានយកចិត្តទុកដាក់ខ្ពស់លើការកែលម្អហេដ្ធារចនាសម្ព័ន្ធសុខាភិបាល ការកែលម្អនឹងលើកកម្ពស់គុណភាពសេវាការអភិវឌ្ឈន៍សមត្ថភាពជំនាញបច្ចេកវិទ្យានឹងនវាវត្តន៍ នឹង ការបំពាក់សម្ភារបរិក្ខាពេទ្យ អោយបានសមស្រប ព្រមទាំងការកៀងគរប្រភពធនធានជាថវិកាសម្ភារ ពីដៃគូសមាគម សប្បុរសជន នឹងការរួមចំណែកពីអាជ្ញាធរដែនគ្រប់លំដាប់ថ្នាក់នឹងសហគមន៍។

ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានមានប្រសាសន៍ថា ស្ថិតក្នុងបរិយាកាសដ៏ឧត្តុងឧត្តម និងប្រពៃថ្លៃថ្លានេះ ក៏ដូចជាមួយបងប្អូនប្រជាពលរដ្ឋ អាជ្ញាធរមូលដ្ឋាន គ្រប់លំដាប់ថ្នាក់ ចំពោះសមិទ្ធផលនៃការកសាងមណ្ឌលសុខភាព ដែលបម្រើឲ្យវិស័យសុខាភិបាលសាធារណៈ ស្របតាមយុទ្ធសាស្ត្របញ្ចកោណដំណាក់កាលទី១ និងកម្មវិធីគោលនយោបាយជាអាទិភាពទី១ “ការពង្រីកសេវាថែទាំសុខភាព ឆ្ពោះទៅកាន់ការគ្រប់ដណ្ដប់ជាសកល” ក្រោមការដឹកនាំដ៏ឈ្លាសវៃប្រកបដោយគតិបណ្ឌិតរបស់ សម្ដេចមហាបវរអធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា ដែលតែងតែគិតគូរអំពីវិស័យសុខាភិបាល នូវជាបញ្ហាអាទិភាពដែលត្រូវបន្តការយកចិត្តទុកដាក់ ពិសេសសេវាសាធារណៈនៅថ្នាក់មណ្ឌលសុខភាព និងមន្ទីរពេទ្យបង្អែកក្រុង-ស្រុក៕