ឯកឧត្តម សួស ប្រាថ្នា ផ្ញើសារលិខិតគោរពជូនពរ លោកជំទាវ កែ សួនសុភី ស សុខា ក្នុងឱកាសពិធីចម្រើនជន្មាយុគម្រប់ ៣៦ ឈានចូល ៣៧ឆ្នាំ

ភ្នំពេញ៖ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ បានផ្ញើសារគោរពជូនពរ លោកជំទាវ កែ សួនសុភី ស សុខា ប្រធានកិត្តិយសក្រុមការងារយេនឌ័រ របស់ក្រសួងមហាផ្ទៃ ក្នុងឱកាសដ៏ឧត្តុង្គឧត្តមថ្លៃថ្លា នៃពិធីចម្រើនជន្មាយុគម្រប់ ៣៦ ឈានចូល ៣៧ឆ្នាំ ដែលប្រព្រឹត្តទៅនៅថ្ងៃពុធ ៩រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២២ ខែមករា ឆ្នាំ២០២៥នេះ។

ក្នុងឱកាសដ៏មហានក្ខត្តឫក្សនេះ ខ្ញុំបាទសូមសម្តែងនូវមនោសញ្ចេតនាគោរពកោតសរសើរ និងគាំទ្រដោយស្មោះអស់ពីដួងចិត្តចំពោះ លោកជំទាវ ដែលជានិច្ចកាលបានលះបង់កម្លាំងកាយចិត្ត ពេលវេលា និងបញ្ញាញាណ ចូលរួមចំណែកក្នុងការលើកកម្ពស់សមភាពយេនឌ័រ ការអភិវឌ្ឍវិស័យកីឡា ការងារសង្គម មនុស្សធម៌ សប្បុរសធម៌ និងសាសនា ដើម្បីជាឧត្តមប្រយោជន៍ដល់សង្គមជាតិ។ សកម្មភាព ដ៏ឧត្តុង្គឧត្តមរបស់ លោកជំទាវ បានក្លាយជានិមិត្តរូប និងជាសក្ខីកម្មឆ្លុះបញ្ចាំងនូវគំរូវីរភាព ក្នុងនាមជាស្ត្រីខ្មែរ ដែលប្រកបដោយ ចរិយាធម៌ និងព្រហ្មវិហារធម៌ដ៏វិសេសវិសាលបំផុត សម្រាប់សង្គមខ្មែរ។

ជាថ្មីម្តងទៀត ខ្ញុំបាទសូមបួងសួងដល់គុណព្រះរតនត្រ័យវត្ថុស័ក្តិសិទ្ធិទាំងឡាយក្នុងលោក សូមតាម បីបាច់ថែរក្សា និងប្រោះព្រំសព្ទសាធុការពរជ័យ សិរីសួស្តី ជ័យមង្គល វិបុលសុខ បវរមហាប្រសើរជូនចំពោះ លោកជំទាវ និងឯកឧត្តមអភិសន្តិបណ្ឌិត ព្រមទាំងក្រុមគ្រួសារ សូមបានប្រកបដោយព្រះពុទ្ធពរទាំងបួន ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូម លោកជំទាវ កែ សួនសុភី ស សុខា មេត្តាទទួលនូវគារវកិច្ច និងភក្តីភាពដ៏ស្មោះស្ម័គ្របំផុតពីខ្ញុំបាទ ៕