អនុប្រធានរដ្ឋសភាស្លូវ៉ាគី៖ អគ្គលេខាធិការអង្គការណាតូ ព្យាយាមធ្វើគ្រប់យ៉ាង ដើម្បីបំបាក់មុខរុស្ស៉ីនៅអឺរ៉ុប

មូស្គូ៖ អនុប្រធានរដ្ឋសភានៃប្រទេសស្លូវ៉ាគី លោក Tibor Gaspar បាននិយាយថា អគ្គលេខាធិការអង្គការណាតូ (NATO) លោក Mark Rutte ព្យាយាមធ្វើគ្រប់យ៉ាង ដើម្បីបំបាក់មុខរុស្ស៉ីនៅអឺរ៉ុប។ នេះបើយោងតាមបទសម្ភាសន៍ជាមួយសារព័ត៌មានរុស្ស៉ី TASS នៅថ្ងៃចន្ទ ទី២០ ខែមករានេះ។

ការលើកឡើងរបស់លោក Gaspar ដូច្នេះគឺដើម្បីឆ្លើយតបទៅនឹងពាក្យសម្តីលោក Rutte ដែលនិយាយថា EU ប្រហែលជាត្រូវ រៀន និយាយ ភាសា រុស្ស៉ី ក្នុង រយៈពេល ៤ ទៅ៥ឆ្នាំ ទៀតមិនខានឡើយ ប្រសិនបើប្រទេស ជា សមាជិក ណាតូ មិន ព្រម បង្កើន ការ ចំណាយផ្នែកយោធា របស់ខ្លួនទេនោះ»។

លោក Gaspar បានបន្ថែមថា «មានពេលមួយក្នុងប្រវត្តិសាស្ត្រ យើងក៏ធ្លាប់ស្ថិតក្រោមឥទ្ធិពល នៃអតីតសហភាពសូវៀតដែរ ដូច្នេះសម្តីលោក Rutte គឺមានបំណងបង្កើត អាកប្បកិរិយាអវិជ្ជមានចំពោះរុស្ស៉ី»។

គួរបញ្ជាក់ថា តាមលោក Gaspar ទំនាក់ទំនងរវាងស្លូវ៉ាគី និងរុស្ស៉ី ផ្តោតចម្បងលើកិច្ចសហប្រតិបត្តិការសេដ្ឋកិច្ច អភិវឌ្ឍទំនាក់ទំនងក្នុងវិស័យវប្បធម៌ និងកីឡាដោយផ្អែកលើគោលការណ៍ស្មើភាពគ្នា។ ស្លូវ៉ាគី ត្រូវបានគេមើលឃើញថា កាន់តែងាកទៅខាងរុស្ស៉ីថែមទៀត ជាពិសេសនៅក្រោយពេលដែល អ៊ុយក្រែនសម្រេចមិនបន្តកិច្ចព្រមព្រៀង ដឹកជញ្ជូនឧស្ម័នឆ្លងកាត់ ដែលនាំឱ្យការផ្គត់ផ្គង់ឧស្ម័នរុស្ស៉ី ទៅកាន់ទីផ្សារអឺរ៉ុបត្រូវកាត់ផ្តាច់៕