ភ្នំពេញ៖ កាលពីថ្ងៃពុធ ម្សិលមិញនេះ ប្រធានាធិបតីតៃវ៉ាន់ លោក ឡៃ ឈីងតេ បានឲ្យដឹងថា លោកស្វាគមន៍ការផ្លាស់ប្តូរដោយស្មើភាព សេចក្តីថ្លៃថ្នូរ ទំនាក់ទំនងល្អ និងរបៀបរៀបរយជាមួយប្រទេសចិន ប៉ុន្តែមានការងឿងឆ្ងល់ថា តើទីក្រុងប៉េកាំងមានសុច្ឆន្ទៈផ្តល់ឱ្យនូវអ្វីដែលលោកបានរៀបរាប់ថា គឺជាការរារាំងចំពោះរឿងសាមញ្ញៗដូចជា ទេសចរណ៍ ដែរឬទេ។
លោក ឡៃ ឈីងតេ ដែលចូលកាន់តំណែងកាលពីខែឧសភា បានផ្តល់យោបល់ឱ្យមានកិច្ចពិភាក្សាទៀងទាត់ជាមួយប្រទេសចិន ប៉ុន្តែត្រូវបានបដិសេធ។ ចិនចាត់ទុកតៃវ៉ាន់ដែលគ្រប់គ្រងតាមបែបប្រជាធិបតេយ្យជាទឹកដីរបស់ខ្លួន និងស្អប់ខ្ពើមលោកឡៃថាជា អ្នកបំបែកខ្លួន។ លោកបានបន្តថា មានតែប្រជាជនតៃវ៉ាន់ទេដែលអាចសម្រេចនូវអនាគតរបស់ពួកគេបាន។
ថ្លែងនៅក្នុងសន្និសីទសារព័ត៌មាននៅថ្ងៃចូលឆ្នាំសកល លោក ឡៃ ឈីងតេ បានបញ្ជាក់ថា ប្រទេសចិនកំពុងរារាំងអន្តរកម្ម ដោយរឹតត្បិតលើភ្ញៀវទេសចរចិនដែលមកទស្សនា ឬនិស្សិតដែលកំពុងសិក្សានៅលើកោះនេះ ខណៈដែលការហាមឃាត់ស្រដៀងគ្នានេះមិនអនុវត្តចំពោះជនជាតិតៃវ៉ាន់ដែលទៅប្រទេសចិននោះទេ។
លោកបន្ថែមថា លោកនៅតែចង់សង្កត់ធ្ងន់លើរឿងនេះ៖ តៃវ៉ាន់សង្ឃឹមថានឹងមានការផ្លាស់ប្តូរប្រកបដោយទំនាក់ទំនងល្អ និងរបៀបរៀបរយជាមួយប្រទេសចិន ក្រោមគោលការណ៍ស្មើភាពគ្នាទៅវិញទៅមក និងសេចក្តីថ្លៃថ្នូរ។
លោក ឡៃ ឈីងតេ បានបន្ថែមទៀតថា អ្នកសារព័ត៌មានគួរតែសួរប្រទេសចិនថា ហេតុអ្វីបានជាពលរដ្ឋរបស់ខ្លួនអាចធ្វើដំណើរដោយសេរីទៅកាន់ប្រទេសនានាដូចជាសហរដ្ឋអាមេរិក និងជប៉ុន ប៉ុន្តែមានការរឹតបន្តឹងដូចដែលបានរៀបរាប់ខាងលើនៅពេលមកកាន់តៃវ៉ាន់។
