យន្តហោះរបស់ក្រុមហ៊ុនអាកាសចរណ៍ Azerbaijan Airlines មកពីទីក្រុង Baku បានធ្លាក់នៅជិត Aktau ប្រទេសកាហ្សាក់ស្ថាន
កាហ្សាក់ស្ថាន៖ ក្រសួងស្ថានភាពគ្រាអាសន្ន (MES) របស់ប្រទេសកាហ្សាក់ស្ថាន បានឲ្យដឹងថា យន្តហោះដឹកអ្នកដំណើរមួយគ្រឿង ដែលដំណើរការដោយក្រុមហ៊ុនអាកាសចរណ៍ Azerbaijan Airlines ពី Baku ទៅ Grozny បានធ្លាក់នៅជិតទីក្រុង Aktau នៃប្រទេសកាហ្សាក់ស្ថាន កាលពីថ្ងៃពុធ។
យន្តហោះ Embraer 190 ដែលមានលេខជើងហោះហើរ J2-8243 បានធ្លាក់នៅជិតអាកាសយានដ្ឋាន Aktau។ ក្រសួងបានរាយការណ៍ថា អ្នកនៅរស់រានមានជីវិតចំនួន ២៨នាក់ក្នុងឧបទ្ទវហេតុនេះ ដោយប្រតិបត្តិការជួយសង្គ្រោះកំពុងបន្ត។
ក្រុមហ៊ុន Azerbaijan Airlines បានសរសេរនៅលើ X. ថាមានមនុស្ស ៦៧នាក់នៅលើយន្តហោះរួមទាំងអ្នកដំណើរ ៦២នាក់និងសមាជិកនាវិក៥នាក់។
យោងតាមរបាយការណ៍របស់ប្រព័ន្ធផ្សព្វផ្សាយកាហ្សាក់ស្ថាន អ្នកដំណើរនៅលើយន្តហោះមានពលរដ្ឋ ៣៧នាក់មកពីអាហ្សែបៃហ្សង់ ១៦នាក់មកពីរុស្ស៊ី កាហ្សាក់ស្ថាន ៦នាក់ និងកៀហ្ស៊ីស៊ីស្ថាន ៣នាក់។
ស្ថានអគ្គកុងស៊ុលចិននៅទីក្រុង Aktobe បានបញ្ជាក់ប្រាប់ស៊ីនហួថា មិនមានជនជាតិចិននៅលើយន្តហោះនោះទេ។
ក្រសួងស្ថានការណ៍គ្រាអាសន្ន (MES) របស់ប្រទេសកាហ្សាក់ស្ថានបានបញ្ជាក់ថា យន្តហោះដឹកអ្នកដំណើរមួយគ្រឿងដែលដំណើរការដោយក្រុមហ៊ុនអាកាសចរណ៍ Azerbaijan Airlines ពី Baku ទៅ Grozny បានធ្លាក់នៅជិតទីក្រុង Aktau ប្រទេសកាហ្សាក់ស្ថានកាលពីថ្ងៃពុធ។
MES បានបញ្ជូនបុគ្គលិកចំនួន ៥២នាក់ និងឧបករណ៍ចំនួន ១១គ្រឿងទៅកាន់កន្លែង ដែលយន្តហោះត្រូវបានគេរកឃើញថាឆេះ។
យន្តហោះ Embraer 190 ត្រូវបានរចនាឡើងដើម្បីផ្ទុកអ្នកដំណើរចន្លោះពី ៩៦ ទៅ ១១៤នាក់ អាស្រ័យលើការកំណត់រចនាសម្ព័ន្ធកាប៊ីនរបស់វា។ យន្តហោះនេះអាចហោះបានចម្ងាយ៤.៥០០គីឡូម៉ែត្រ។
យោងតាមក្រុមហ៊ុន FlightAware យន្តហោះនេះបានហោះចេញពីទីក្រុងបាគូ ១១នាទីមុនម៉ោងកំណត់។ ពេលកំពុងហោះហើរលើសមុទ្រ Caspian វាបានចេញសញ្ញាអាសន្ន។
ប្រព័ន្ធផ្សព្វផ្សាយ Azerbaijani បានរាយការណ៍ថា យន្តហោះមិនអាចទទួលបានការអនុញ្ញាតឱ្យចុះចតនៅ Grozny ដោយសារតែអ័ព្ទ ដែលនាំឱ្យវាត្រូវបានប្តូរទិសទៅ Makhachkala ហើយក្រោយមកទៅ Aktau។
ក្រុមហ៊ុនអាកាសចរណ៍ Azerbaijan បានធានាថាព័ត៌មានបន្ថែមនឹងត្រូវបានផ្តល់ជូន ខណៈដែលអាជ្ញាធរក្នុងតំបន់ និងសេវាសង្គ្រោះបន្ទាន់កំពុងស៊ើបអង្កេតការធ្លាក់យន្តហោះនេះ។
