ភ្នំពេញ៖ ដោយអនុវត្តតាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការកងរាជអាវុធហត្ថខេត្តកំពង់ស្ពឺ កាលពីថ្ងៃទី១៣ ខែធ្នូ ឆ្នាំ២០២៤ វេលាម៉ោង១០:៣០នាទី លោកវរសេនីយ៍ទោ ណុល ដារ៉ា ប្រធានមន្ទីរស្រាវជ្រាវបង្ក្រាបបទល្មើស បានដឹកនាំកម្លាំងកងរាជអាវុធហត្ថខេត្តកំពង់ស្ពឺ សហការជាមួយកម្លាំងកងរាជអាវុធហត្ថក្រុងច្បារមន បានចុះធ្វើការបង្ក្រាប និងឃាត់ខ្លួនជនសង្ស័យចំនួន ០២នាក់ ករណីគ្រឿងញៀន (២ទីតាំងផ្សេងគ្នា)។
ជនសង្ស័យទាំង០២នាក់៖(ទីតាំងទី០១) ស្ថិតនៅចំណុច ភូមិព្រៃសំពូង ឃុំកាហែង ស្រុកសំរោងទង ខេត្តកំពង់ស្ពឺ ឃាត់ខ្លួនជនសង្ស័យ ០១នាក់ ឈ្មោះ ភួង វុទ្ធី ភេទប្រុស អាយុ២៤ឆ្នាំ មានទីលំភូមិព្រៃសំពូង ឃុំកាហែង ស្រុកសំរោងទង ខេត្តកំពង់ស្ពឺ និង(ទីតាំងទី០២) ស្ថិតនៅចំណុចរោងគោ ភូមិត្រពាំងតាលួង ឃុំស្កុះ ស្រុកសំរោងទង ខេត្តកំពង់ស្ពឺ ឃាត់ខ្លួនជនសង្ស័យ១នាក់ ឈ្មោះ សុីម សឿន ភេទប្រុស អាយុ៣៥ឆ្នាំ មុខមិនពិតប្រាកដ មានទីលំនៅភូមិត្រពាំងតាលួង ឃុំស្កុះ ស្រុកសំរោងទង ខេត្តកំពង់ស្ពឺ។
វត្ថុតាងចាប់យកបានរួមមាន៖ ម្សៅក្រាមសរថ្លាចំនួន០២កញ្ចប់ធំ, តូច១កញ្ចប់, ជញ្ជឹងថ្លឹង ០១គ្រឿង, ម៉ូតូ ០១គ្រឿង, ថងវេកខ្ចប់មួយចំនួន, ប្រាក់ចំនួន ៤៥,០០០រៀល និងម្សៅក្រាមសរថ្លាចំនួន ០១កញ្ចប់។
បច្ចុប្បន្នជនសង្ស័យទាំង០២នាក់ រួមនឹងវត្ថុតាងត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃកងរាជអាវុធហត្ថខេត្តកំពង់ស្ពឺ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់ ៕
