រុស្ស៊ី បញ្ជាឲ្យអ្នកសារព័ត៌មានអាល្លឺម៉ង់ ចាកចេញពីប្រទេស របស់ខ្លួន ឆ្លើយតបនឹងការបិទការិយាល័យទូរទស្សន៍ Channel One របស់រុស្ស៊ី
ម៉ូស្គូ៖ លោកស្រី Maria Zakharova នាំពាក្យក្រសួង ការបរទេសរុស្ស៊ី បានលើកឡើង កាលពីថ្ងៃពុធថា
ប្រទេសរុស្ស៊ី បានបញ្ជាឱ្យអ្នកសារព័ត៌មាន របស់ប្រព័ន្ធផ្សព្វផ្សាយអាល្លឺម៉ង់ ARD ចាកចេញពីប្រទេស ដើម្បីឆ្លើយតបទៅនឹងការបិទរបស់អាជ្ញាធរអាល្លឺម៉ង់ នូវការិយាល័យទូរទស្សន៍ Channel One របស់រុស្ស៊ី ។
លោកស្រី Zakharova បានលើកឡើងថា “ដើម្បីឆ្លើយតបទៅនឹងសកម្មភាពមិនរាក់ទាក់របស់អាជ្ញាធរអាល្លឺម៉ង់ ដែលត្រូវបានធ្វើឡើងប្រឆាំង នឹងអ្នកឆ្លើយឆ្លងព័ត៌មានរុស្ស៊ី នេះគឺជាវិធានការណ៍ឆ្លុះបញ្ចាំងមួយ ដែលខ្លួនត្រូវបានចេញ បទបញ្ជាឱ្យអ្នកឆ្លើយឆ្លងព័ត៌មាន អាល្លឺម៉ង់ប្រគល់វិញ្ញាបនបត្រ ទទួលស្គាល់របស់ពួកគេ និងចាកចេញពីទឹកដី របស់សហព័ន្ធរុស្ស៊ី” ។
លោកស្រី បានលើកឡើងទៀតថា ប្រទេសរុស្ស៊ី នឹងត្រៀមខ្លួនរួចជាស្រេចក្នុងការចេញការទទួលស្គាល់ដល់បុគ្គលិកថ្មីរបស់ ARD បន្ទាប់ពីប្រទេសអាល្លឺម៉ង់ បង្កើតលក្ខខណ្ឌ សម្រាប់ការងាររបស់អ្នកសារព័ត៌មានរុស្ស៊ី និងបន្តសកម្មភាព របស់ការិយាល័យ របស់ទូរទស្សន៍ Channel One ។
នៅព្រឹកថ្ងៃដដែលនេះដែរ ប្រព័ន្ធផ្សព្វផ្សាយរុស្ស៊ី បានរាយការណ៍ ឲ្យដឹងថា អាជ្ញាធរអាល្លឺម៉ង់ កំពុងបិទការិយាល័យ របស់ប៉ុស្តិ៍ទូរទស្សន៍ Channel One នៅទី ក្រុងប៊ែកឡាំង ដោយតម្រូវឱ្យអ្នកឆ្លើយឆ្លងព័ត៌មាន និងអ្នកថតវីដេអូរ បស់ស្ថានីយទូរទស្សន៍ ចាកចេញពីប្រទេសអាល្លឺម៉ង់នៅដើមខែធ្នូ៕
