ខេត្តស្ទឹងត្រែង នឹងមានទីលានតេជោសន្តិភាព និងវេទិការនាគជ័យ ក្នុងពេលឆាប់ៗនេះ ដើម្បីប្រើប្រាស់ក្នុងការរៀបចំកម្មវិធីបុណ្យឬពិធីសាសនាផ្សេងៗ
ភ្នំពេញ៖ ឯកឧត្តម ឈាង ឡាក់ ប្រធានក្រុមប្រឹក្សាខេត្ត និងឯកឧត្តម សរ សុពុត្រា អភិបាលខេត្តស្ទឹងត្រែង នៅព្រឹកថ្ងៃទី១៨ ខែតុលា ឆ្នាំ២០២៤ បានអញ្ជើញក្រុងពាលី ដើម្បីរៀបចំសាងសង់ទីលានតេជោសន្តិភាពនិងវេទិការនាគជ័យ ដោយមានការចូលរួមពីសំណាក់ អភិបាលរងខេត្ត ថ្នាក់ដឹកនាំ មន្ទីរអង្គភាពជុំវិញខេត្តជាច្រើននាក់ផងដែរ។
យោងទៅតាមគម្រោងដាក់បង្ហាញ ទីលានតេជោសន្តិភាពនិងវេទិការនាគជ័យនេះនិងធ្វើឡើងលើទីតាំងចាស់សួនច្បាមុខសាលាខេត្តស្ទឹងត្រែង រាប់បញ្ជូលទាំង ទីតាំង សួនច្បាអាគាហាត់សមសិល្បះរបស់ខេត្តផងដែរ។
ឯកឧត្តម សរ សុពុត្រា អភិបាលខេត្តស្ទឹងត្រែង បានលើកឡើងថា ទីលានតេជោសន្តិភាពនិងវេទិការនាគជ័យនឹងធ្វើឲ្យក្រុងស្ទឹងត្រែងកាន់តែមានសោភ័ណភាពឡើងមួយកម្រឹតថែមទៀត។ហើយរៀបចំទីលានតេជោសន្តិភាព និងវេទិការនាគជ័យ នេះឡើង ក្នុងគោលបំណងសម្រាប់ប្រើប្រាស់ក្នុងការរៀបចំកម្មវិធីបុណ្យឬពិធីសាសនាឬផ្សេងៗ របស់ខេត្ត ជាពិសេសអាចអនុញ្ញាត ឲ្យប្រជាពលរដ្ឋដើរកម្សាន្ត ឬហាត់ប្រាណនៅលើទីលាននេះផងដែរ។
ឯកឧត្តម សរ សុពុត្រា បន្តថា ទីលានតេជោសន្តិភាពនិងវេទិការនាគជ័យ នេះនិងត្រូវធ្វើឲ្យរួចរាល់មុនការឈាន ចូលមកដល់ នៃពិធីបុណ្យ ចូលឆ្នាំថ្មីប្រពៃណីជាតិខ្មែរឆ្នាំ២០២៥នាពេលខាងមុខនេះ។ ហើយអ្វីដែលពិសេស ការរៀបចំសង្ក្រានសម្រាប់ឆ្នាំថ្មី២០២៥ ខាងមុខនេះក៏និងត្រូវធ្វើ ឡើងនៅលើទីលានតេជោសន្តិភាពនិងវេទិការនាគជ័យនេះតែម្តង។
បន្ថែមពីលើនេះដែរ ឯកឧត្តម សរ សុពុត្រា អភិបាលខេត្តស្ទឹងត្រែងបញ្ជាក់ឲ្យដឹងថា បន្ទាប់ពីរៀបចំទីលានតេជោសន្តិភាពនិងវេទិការនាគជ័យនេះរួចរាល់ហើយ ឯកឧត្តមនិងបន្តរៀបចំនូវសួនច្បារថ្មីៗបន្ថែមទៀតដូចជា សួនសម្តេចបរវធិបតី ទល់មុខអង្គមាស និងសួនសន្តិភាពស្ថិតនៅលើផ្ទៃដែលជាអតីតៈការ៉ាស់សាំងចាស់ ទល់មុខសួនច្បារសាលាខេត្តផងដែរ៕
