ប្រធានាធិបតីចិន ប្តេជ្ញានឹងធ្វើការជាមួយរដ្ឋបាលអាមេរិក ដែលទើបចូលកាន់តំណែងថ្មី លោក ដូណាល់ ត្រាំ ខណៈជួបពិភាក្សាចុងក្រោយជាមួយលោក ចូ បៃដិន នៅប្រទេសប៉េរូ

បរទេស៖ កាលពីថ្ងៃសៅរ៍ លោក ស៊ី ជិនពីង ប្រធានាធិបតីចិន បានប្តេជ្ញានឹងធ្វើការជាមួយរដ្ឋបាលសហរដ្ឋអាមេរិក ដែលទើបចូលកាន់តំណែងរបស់ប្រធានាធិបតីជាប់ឆ្នោត លោក ដូណាល់ ត្រាំ ខណៈលោកបានជួបពិភាក្សាចុងក្រោយជាមួយលោក ចូ បៃដិន ប្រធានាធិបតីផុតអាណត្តិ ស្តីពីជម្លោះសំខាន់ៗពីឧក្រិដ្ឋកម្មតាមអ៊ីនធើរណេតរហូតដល់ពាណិជ្ជកម្មកោះតៃវ៉ាន់ និងរុស្ស៊ី។

លោក បៃដិន បានជួបជាមួយលោក ស៊ី ជិនពីង ប្រហែល ២ម៉ោងនៅឯសណ្ឋាគារមួយដែលមេដឹកនាំចិនស្នាក់នៅ នៅខាងក្រៅវេទិកាកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកនៅទីក្រុងលីម៉ា ប្រទេសប៉េរូ សម្រាប់កិច្ចពិភាក្សាលើកដំបូងរបស់ពួកគេក្នុងរយៈពេល៧ខែមកនេះ។

លោក ស៊ី ជិនពីង បានថ្លែងថា គោលដៅរបស់ប្រទេសចិន ចំពោះទំនាក់ទំនងរវាង ចិន និងសហរដ្ឋអាមេរិកដែលមានស្ថិរភាព មានសុខភាពល្អ និងនិរន្តរភាព នៅតែមិនផ្លាស់ប្តូរនោះទេ បន្ទាប់ពីការបោះឆ្នោត។ លោកប្រធានាធិបតីចិន បានលើកឡើងថា ដោយទទួលស្គាល់ការកើនឡើង និងថយចុះ រវាងប្រទេសទាំង២។

ប្រទេសចិនបានត្រៀមខ្លួនជាស្រេចដើម្បីធ្វើការជាមួយរដ្ឋបាលថ្មីរបស់សហរដ្ឋអាមេរិកដើម្បីរក្សាទំនាក់ទំនង ពង្រីកកិច្ចសហប្រតិបត្តិការ និងគ្រប់គ្រងភាពខុសគ្នា។

លោក បៃដិន បានប្រាប់ដល់លោក ស៊ី ជិនពីង ថា មេដឹកនាំទាំង២ មិនតែងតែឯកភាពគ្នានោះទេ ប៉ុន្តែការពិភាក្សារបស់ពួកគេគឺស្មោះត្រង់ និងស្មោះស្ម័គ្រ។

សូមបញ្ជាក់ថា ការចរចានេះដែរបានកើតឡើង ២ខែមុនពេល លោក ត្រាំ ចូលកាន់តំណែង។ លោកបានប្តេជ្ញាថា នឹងអនុម័តយកពន្ធចំនួន ៦០ភាគរយ លើការនាំចូលទំនិញរបស់សហរដ្ឋអាមេរិក ដែលជាផ្នែកមួយនៃកញ្ចប់នៃវិធានការពាណិជ្ជកម្ម ហៅថា “America First”។