បញ្ជាការដ្ឋានទ័ពពិសេស បើកចែកអាវរងា ជាអំណោយដ៏ថ្លៃថ្លារបស់សម្ដេចតេជោ និងសម្ដេចកិតិ្តព្រឹទ្ធបណ្ឌិត ជូននាយ និងពលទាហានរបស់ខ្លួន

ភ្នំពេញ៖ នាថ្ងៃទី៤ ខែវិច្ឆិកា ឆ្នាំ២០២៤ បញ្ជាការដ្ឋានទ័ពពិសេស កងទ័ពជើងគោក ឯកឧត្តម ឧត្តមសេនីយ៍ទោ ស៊ុំ សំណាង មេបញ្ជាការបញ្ជាការដ្ឋានទ័ពពិសេស កងទ័ពជើងគោក បានធ្វើការបើកចែកអាវរងាដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់ នាយទាហាន នាយទាហានរង និងពលទាហានចំណុះបញ្ជាការដ្ឋានទ័ពពិសេស កងទ័ពជើងគោក។

ក្នុងឱកាសចែកជូនអាវរងា ដល់យោធិនគ្រប់រូប នៃបញ្ជាការដ្ឋានទ័ពពិសេស កងទ័ពជើងគោក
ឯកឧត្តម ស៊ុំ សំណាង បានបញ្ជាក់ថា ដោយយល់ ឃើញពីទុក្ខលំបាក និងជីភាពរស់នៅរបស់ កងកម្លាំង ប្រដាប់អាវុធគ្រប់ប្រភេទ នាពេលរដូវរងាជិតមកដល់ ជារៀងរាល់ឆ្នាំដោយមានការយកចិត្តទុកដាក់គិតគូរពីសុខភាពរបស់យោធិនគ្រប់រូបសម្ដេចអគ្គមហាសេនាបតីតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានីហ៊ុនសែន,សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានឧបត្ថម្ភ ជាអាវរងា ចែកជូនយោធិនគ្រប់ៗរូប ពាក់ដើម្បីការពារសុខភាព និងបំពេញភារកិច្ច នារដូវរងាចូលមកដល់។

ឯកឧត្តម ស៊ុំ សំណាង ជំនួសមុខឱ្យ នាយទាហាន នាយទាហានរង និងពលទាហាន នៃបញ្ជាការដ្ឋានទ័ពពិសេស កងទ័ពជើងគោក មានសេចក្តីសោមនស្សរីករាយ យ៉ាងខ្លាំង នូវគុណបំណាច់ដ៏ថ្កៃថ្លារបស់ប្រមុខរាជរដ្ឋាភិបាលដែលតែងតែយកចិត្តទុកដាក់ និងឈឺឆ្អាលដល់សុខភាព-ជីវភាពរស់នៅរបស់
កងទ័ព ដើម្បីសន្តិភាព ស្ថេរភាពសង្គម និងការអភិវឌ្ឍន៍។

ឯកឧត្តម ស៊ុំ សំណាង ក្នុងមេបញ្ជាការបញ្ជាការដ្ឋានទ័ពពិសេស កងទ័ពជើងគោក សូមគោរពជូនពរ បវរមហាប្រសើរជូនដល់ សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុនី សូមជួប តែសេចក្តីសុខ សេចក្តីចម្រើន កម្លាំងមាំមួន និងជន្មាយុយឺនយូរ៕