លោក ជេដ្ឋ គីមជុង អញ្ជើញបើកវគ្គបណ្តុះបណ្តាល ស្តីពីការអនុវត្តការងារគណនេយ្យភាពសង្គម លើការផ្តល់សេវាសាធារណៈនៅថ្នាក់រដ្ឋបាលក្រុង ស្រុក ខណ្ឌ

ភ្នំពេញ៖ លោក ហេង គង់ម៉េង អនុប្រធាននាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ ក្រសួងមហាផ្ទៃ និងជាសមាជិកក្រុមកាងារបច្ចេកទេសគណនេយ្យភាពសង្គម SA/TWG និង លោក ជេដ្ឋ គីមជុង ប្រធានសម្របសម្រួលគម្រោង តំណាងដ៏ខ្ពង់ខ្ពស់របស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. នាថ្ងៃទី១៧ ខែតុលា ឆ្នាំ២០២៤ បានថ្លែងសុន្ទរកថាបើកវគ្គបណ្តុះបណ្តាល ដល់គ្រូបង្គោលគណនេយ្យភាពសង្គម នៅថ្នាក់រដ្ឋបាលក្រុង ស្រុក ខណ្ឌ រាជធានី ខេត្តគោលដៅទាំង១៦ នៃគោលដៅគម្រោងសមាហរកម្មគណនេយ្យភាពសង្គមទៅក្នុងប្រព័ន្ធរដ្ឋបាលថ្នាក់ជាតិ និងថ្នាក់ក្រោមជាតិ ដែលមាន សមាសភាព ចូលរួមចំនួន ៧៥រូប ស្ត្រី ១៨រូប។

ថ្លែងក្នុងពិធីបើកវគ្គបណ្តុះបណ្តាលលោកប្រធានសម្របសម្រួលបានគូសបញ្ជាក់លើចំណុចសំខាន់ៗមួយចំនួនមានដូចខាងក្រោម៖

– រដ្ឋបាលថ្នាក់ក្រោមជាតិត្រូវបន្តចូលរួមចំណែកគាំទ្របច្ចេកទេស និងអនុវត្តកម្មវិធីកំណែទម្រង់វិមជ្ឈការ និងវិសហមជ្ឈការបន្ថែមទៀត
– ពង្រឹងយន្តការផ្តល់សេវាសាធារណៈនៅថ្នាក់ក្រោមជាតិ និងការបំពេញការងារតាមប្រព័ន្ឋឌីជីថល

– ពង្រឹងការអនុវត្តតួនាទី ភារកិច្ចរបស់គណៈកម្មាធិការផែនការសកម្មភាពរួមស្តីពីការងារគណនេយ្យភាពសង្គម (JAAP/DMK)
– ជំរុញការវិភាជ និងប្រើប្រាស់ថវិកានៃការងារគណនេយ្យភាពសង្គម របស់រដ្ឋបាលថ្នាក់ក្រោមជាតិ៕