ចំនួនអ្នកស្លាប់ដោយសារការវាយប្រហារតាមអាកាសរបស់អ៊ីស្រាអែលលើកណ្តាលទីក្រុង Beirut កើនឡើងដល់ ២២នាក់ និងរបួសដល់ទៅ ១១៧នាក់
បរទេស៖ ចំនួនអ្នកស្លាប់បានកើនឡើងដល់យ៉ាងហោចណាស់ ២២នាក់ និងរបួសដល់ទៅ ១១៧នាក់ បន្ទាប់ពីការវាយប្រហារតាមអាកាសរបស់អ៊ីស្រាអែល សំដៅទៅលើតំបន់ al-Noueiri ដែលជាតំបន់ដែលមានប្រជាជនរស់នៅច្រើននៅកណ្តាលទីក្រុង Beirut កាលពីល្ងាចថ្ងៃព្រហស្បតិ៍។
ការវាយប្រហារតាមអាកាសត្រូវបានគេរាយការណ៍ថាសំដៅទៅលើលោក Wafiq Safa ប្រធានផ្នែកទំនាក់ទំនង និងសម្របសម្រួលរបស់ Hezbollah ដែលយោងតាមទូរទស្សន៍ Al Jazeera បានរួចផុតពីការវាយប្រហារនេះ។
នេះជាលើកទីបីហើយដែលអ៊ីស្រាអែលបានកំណត់គោលដៅលើរដ្ឋធានី Beirut របស់ប្រទេសលីបង់ បន្ទាប់ពីបានវាយប្រហារតំបន់ al Cola និង al-Bachoura។
ថ្មីៗនេះ អ៊ីស្រាអែលបានបង្កើនការវាយប្រហារតាមអាកាសរបស់ខ្លួនទៅលើទីក្រុង Beirut និងជាយក្រុងរបស់ខ្លួន ដោយផ្តោតជាចម្បងទៅលើមន្ត្រី និងសម្ភារៈបរិក្ខាររបស់ Hezbollah។
ជម្លោះរវាងអ៊ីស្រាអ៊ែល និងក្រុមហេសបូឡាបានផ្ទុះឡើងកាលពីមួយឆ្នាំមុន នៅពេលដែលក្រុមហេសបូឡាហ៍បានបាញ់រ៉ុក្កែតទៅលើអ៊ីស្រាអែល ដើម្បីគាំទ្រក្រុមហាម៉ាស់នៅពេលចាប់ផ្តើមសង្រ្គាមហ្គាហ្សា។
