ឯកឧត្តម ស៊ុំ សំណាង ជួបសំណេះសំណាល បំពាក់ឋានន្តរសក្តិ និងគ្រឿងឥស្សរិយយសដល់យោធិនចូលនិវត្តន៍
ភ្នំពេញ៖ នាថ្ងៃទី៧ ខែតុលា ឆ្នាំ២០២៤នេះនៅទីបញ្ជាការដ្ឋានទ័ពពិសេស កងទ័ពជើងគោក បានប្រារពពិធី សំណេះសំណាល បំពាក់ឋានន្តរសក្តិ និងគ្រឿងឥស្សរិយយសជូនដល់យោធិនចូលនិវត្តន៍ ឆ្នាំ២០២៤ ស្ថិតក្រោមអធិបតីភាព ឯកឧត្តម ឧត្តមសេនីយ៍ទោ ស៊ុំ សំណាង មេបញ្ជាការបញ្ជាការដ្ឋានទ័ពពិសេស កងទ័ពជើងគោក។
លោកវរសេនីយ៍ឯក ចាប សូផន នាយរងការិយាល័យទី១បញ្ជាការដ្ឋានទ័ពពិសេស បានអានសេចក្តីសម្រេចដោយ បានគូសបញ្ជាក់ថា÷យោធិន នៃបញ្ជាការដ្ឋានទ័ពពិសេស កងទ័ពជើងគោក ដែលបានចូលនិវត្តន៍ក្នុងឆ្នាំ២០២៤នេះសរុប មានចំនួន-៣៣រូប ក្នុងនោះថ្នាក់វរសេនីយ៍ឯក ១រូប ថ្នាក់វរសេនីយ៍ទោ ២រូប ថ្នាក់វរសេនីយ៍ត្រី ៨រូប ថ្នាក់អនុសេនីយ៍ឯក ៧រូប ថ្នាក់អនុសេយ៍ទោ ៧រូប និងថ្នាក់នាយចំណង់ចំនួន ៨រូប។ លោក ចាប សូផន បានបញ្ជាក់ទៀតថា÷យោធិនទាំង ៣៣រូប ត្រូវបានបំពាក់គ្រឿងឥស្សរិយយស ព្រះរាជាណាចក្រកម្ពុជា មានថ្នាក់ធិបឌិន្ទ.០១គ្រឿង ថ្នាក់សេនា ០២គ្រឿង និងថ្នាក់អស្សឬទ្ធិចំនួន ៣០គ្រឿង។
មានប្រសាសន៍សំណេះសំណាលឯកឧត្តម ឧត្តមសេនីយ៍ទោ ស៊ុំ សំណាង បានមានប្រសាសន៍ពាំនាំនូវការផ្តាំផ្ញើរ សាកសួរសុខទុក្ខសំណាក់ថ្នាក់ដឹកនាំក្រសួងការពារជាតិ អគ្គបញ្ជាការ នៃកងយោធពលខេមរភូមិន្ទ ឯកឧត្តម មេបញ្ជាការកងទ័ពជើងគោក ពិសេសការផ្តាំផ្ញើរសាកសួរសុខទុក្ខពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជូនចំពោះ បងប្អូនយោធិនចូលនិវត្តន៍ទាំងអស់ និងក្រុមគ្រួសារ។ឯកឧត្តម ស៊ុំ សំណាង ក៏បានមាន ប្រសាសន៍ បន្តទៀតថា៖យោងតាមច្បាប់ និងបទបញ្ជារបស់រាជរដ្ឋាភិបាល ក្រសួងការពារជាតិ អគ្គបញ្ជាការ និងបញ្ជាការកងទ័ពជើងគោក យោធិន គ្រប់អាយុចូលនិវត្តន៍ ត្រូវផ្ទេរពីកងទ័ពទៅរស់នៅស្ថប័ណស៊ីវិល ស្រប តាមគោលនយោបាយរបស់រាជរដ្ឋាភិបាល និងផែនការកែទម្រង់ របស់កងយោធពលខេមរភូមិន្ទ ក្នុងនោះ ឯកឧត្តមក៏បានលើកឡើងអំពីគុណបំណាច់ និងស្នា ដៃរបស់បងប្អូនយោធិន ដែលបានរួមចំណែកក្នុងភារកិច្ច ការពារជាតិ មាតុភូមិ និងកសាងអភិវឌ្ឍន៍អង្គភាពបាន រីកចំរើនលើគ្រប់វិស័យ។
ឯកឧត្តមក៏បានផ្តាំផ្ញើរ ដល់បង ប្អូនយោធិនចូលនិវត្តន៍ទាំងអស់ពេលទៅរស់នៅមូលដ្ឋានត្រូវយកចិត្តទុកដាក់គោរពអនុវត្តន៍ច្បាប់របស់រដ្ឋចូលរួម ចំណែកក្នុងការកសាងភូមិ ឃុំ រឹងមាំ រីកចំរើន ឆ្លើយតបទៅតាមគោលនយោបាយភូមិ ឃុំមានសុវត្ថភាព របស់រាជ រដ្ឋាភិបាល។
ឯកឧត្ត ស៊ុំ សំណាង បានបញ្ជាក់ជូនបងប្អូននិវត្តន៍ជនទាំងអស់ថា៖បើសិនជាបងប្អូនស្ម័ក្រចិត្ត ទៅរស់នៅតំបន់អភិវឌ្ឍន៍របស់អង្គភាព អង្គភាពផ្តល់ជូន នូវផ្ទះ ដីលំនៅដ្ឋាន និងដីកសិកម្ម ជាអំណោយរបស់ សម្តេចអគ្គមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី តាមរយៈក្រសួងអភិវឌ្ឍន៍ជន បទ។ ឯកឧត្តម បានមានប្រសាសន៍ទៅកាន់បងប្អូនយោធិនចូលនិវត្តន៍ ដោយលើកឡើងអំពីការផ្សាភ្ជាប់មនោ សញ្ចេតនាគោរពរាប់អាន និងបន្តទំនាក់ទំនងជាប់ជាប្រចាំរវាងអង្គភាព និងបងប្អូន។ ក្នុងឧិកាសនោះដែរ ឯកឧត្តម ឧត្តមសេនីយ៍ទោ ស៊ុំ សំណាង បាននាំយកនូវ របស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនដល់យោធិន៣៣នាក់ ក្នុងម្នាក់ៗទទួលបានឋវិកា២០ម៉ឺនរៀលអង្ក ១បាវ ទឹកសុទ្ធ ២កេះ និងទឹកក្រូច ២កេះ ៕
