កាកបាទក្រហមកម្ពុជា បានរៀបចំទិវាពិភពលោកសង្គ្រោះបឋម ក្រោមប្រធានបទ “សង្គ្រោះបឋម និងកីឡា” ដោយមានការរៀបចំរត់ចែកជាពីរផ្នែក

ភ្នំពេញ៖ នាថ្ងៃទី១៤ ខែកញ្ញា ឆ្នាំ២០២៤នេះ កាកបាទក្រហមកម្ពុជា បានរៀបចំទិវាពិភពលោកសង្គ្រោះបឋម ក្រោមប្រធានបទ “សង្គ្រោះបឋម និងកីឡា” ដោយមានការរៀបចំរត់ចែកជាពីរផ្នែកគឺ ទី១ការរត់ប្រកួតដែលបានបែកចែកជា៤គឺវ័យ ៥០ឆ្នាំឡើងបុរស វ័យ៥០ឆ្នាំឡើងស្ត្រី វ័យក្រោម៥០ឆ្នាំបុរស និងវ័យក្រោម៥០ឆ្នាំស្ត្រី មានចូលរួមប្រមាណ ២០០នាក់និងទី២រត់សប្បាយៗមានអ្នកចូលរួមប្រមាណ១៥០នាក់។ ទិវាពិភពលោកសង្គ្រោះបឋមនេះ ប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។

កាកបាទក្រហមកម្ពុជា បានរៀបចំកម្មវិធីរត់នេះឡើងគឺដើម្បី៖

-លើកកម្ពស់ការយល់ដឹងអ្នកលេងកីឡាគ្រប់វ័យគួរតែចេះវិជ្ជាសង្គ្រោះបឋមក្នុងបរិស្ថានកីឡា
-គាំទ្រមតិសម្រាប់រួមបញ្ចូលការបណ្តុះបណ្តាលវិជ្ជាសង្គ្រោះបឋមទៅក្នុងកម្មវិធីអប់រំកីឡា និងគំនិតផ្តួចផ្តើមសហគមន៍កីឡា
-លើកកម្ពស់លទ្ធភាព និងភាពអាចទទួលបានការប្រើប្រាស់ម៉ាស៊ីនឆក់បេះដូង (AEDs) ឱ្យបានកាន់តែទូលំទូលាយ
-លើកទឹកឱ្យមនុស្សគ្រប់វ័យ ជាពិសេសយុវជនចូលរួមសកម្មភាកីឡា។

សូមបញ្ជាកថា ការរៀបចំទិវាពិភពលោកសង្គ្រោះបឋមនេះ មានការឧបត្ថម្ភគាំទ្រពី Future Focus Solutions & Pharma Co., LTD, Saybysay International, ក្រុមហ៊ុន Starbalm Cambodia, ក្រុមហ៊ុន Pocari Sweat និងក្លឹមសូសូរ៉ាន់៕