បរទេស៖ កាលពីថ្ងៃអាទិត្យ ក្រុមឧទ្ទាម Houthis របស់ប្រទេសយេម៉ែនបាននិយាយថា ពួកគេបានធ្វើប្រតិបត្តិការយោធាចំនួន០២ គឺ៖ ទី១.នៅឈូងសមុទ្រ Aden និងទី២.នៅតំបន់ Eilat ស្ថិតនៅភាគខាងត្បូងបំផុតប្រទេសអ៊ីស្រាអែល។
អ្នកនាំពាក្យយោធា Houthi លោក Yahya Saree បានឲ្យដឹងថា ក្រុមនេះបានកំណត់គោលដៅលើនាវាអ៊ីស្រាអែលឈ្មោះ MSC UNIFIC នៅឈូងសមុទ្រ Aden ដែលវាយប្រហារដោយមីស៊ីលផ្លោង និងដ្រូន បន្ថែមពីលើការវាយប្រហារលើគោលដៅយោធានៅតំបន់ Eilat ដែលវាយប្រហារដោយដ្រូន។
អ្នកនាំពាក្យបានបន្តថា ប្រតិបត្តិការយោធាចុងក្រោយរបស់ Houthi ដែលបានធ្វើឡើងជាការឆ្លើយតបទៅនឹងការវាយប្រហារតាមអាកាសរបស់អ៊ីស្រាអែលទៅលើទីក្រុង Khan Younis កាលពីថ្ងៃសៅរ៍ ដោយបានសម្លាប់ប្រជាជនប៉ាឡេស្ទីនយ៉ាងហោចណាស់ ៩០នាក់ និងបង្ករបួសដល់មនុស្ស ៣០០នាក់ផ្សេងទៀត នេះបើយោងតាមក្រសួងសុខាភិបាលតំបន់ហ្គាហ្សា។
ដោយឡែក ទីបញ្ជាការកណ្តាលរបស់សហរដ្ឋអាមេរិកបានឲ្យដឹងនៅក្នុងសេចក្តីថ្លែងការណ៍០១កាលពីថា ខ្លួនបានបំផ្លាញយន្តហោះគ្មានមនុស្សបើក (UAV) ដែលគាំទ្រដោយអ៊ីរ៉ង់ចំនួន ០២គ្រឿង និងនាវាលើផ្ទៃដីគ្មានមនុស្សបើក (USV) ០១គ្រឿងនៅក្នុងសមុទ្រក្រហម រួមជាមួយ Houthi យន្តហោះគ្មានមនុស្សបើក ០១គ្រឿងនៅក្នុងតំបន់គ្រប់គ្រងដោយក្រុម Houthi នៃនៃប្រទេសយេម៉ែន។
ទីបញ្ជាការកណ្តាលរបស់សហរដ្ឋអាមេរិកបានបន្តថា ការវាយប្រហារនោះធ្វើឡើងដោយកំណត់ថា ប្រព័ន្ធទាំងនេះបង្ហាញការគំរាមកំហែងចំពោះសហរដ្ឋអាមេរិក កងកម្លាំងចម្រុះ និងនាវាជំនួញនៅក្នុងតំបន់។
