ឧត្តមសេនីយ៍ទោ ច័ន្ទ សុភ័ក្រ្តា នាំយកអំណោយដ៏ថ្លៃថ្លា សម្ដេចមហាបវរធិបតី ហ៊ុន ម៉ាណែត ជូនកម្លាំងទិសកំពង់ស្រឡៅ ស្រុកឆែប ខេត្តព្រះវិហារ
ភ្នំពេញ៖ នៅថ្ងៃទី១០ ខែកក្កដា ឆ្នាំ២០២៤ ឧត្តមសេនីយ៍ទោ ច័ន្ទ សុភ័ក្រ្តា មេបញ្ជាការតំបន់ប្រតិបត្តិការសឹករងព្រះវិហារ អនុប្រធានអចិន្ត្រៃយ៍គណៈកម្មការការពារទប់ស្កាត់ និងបង្ក្រាបបទល្មើសធនធានធម្មជាតិខេត្តព្រះវិហារ បាននាំយកអំណោយដ៏ថ្លៃថ្លា របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា តាមរយៈ ឯកឧត្តម នាយឧត្តមសេនីយ៍ អគ្គមេបញ្ជាការរង នៃកងយោធពលខេមរភូមិន្ទ ជូនកម្លាំងឈរជេីងការពារតាមខ្សែរបន្ទាត់ព្រំដែន កម្ពុជា-ឡាវ និងប្រតិបត្តិការបង្រ្កាប បទល្មេីសធនធានធម្មជាតិ ជាពិសេសបទល្មេីសកាប់ទន្រ្ទានព្រៃឈេីយកដីរដ្ឋខុសច្បាប់ នៅទិសកំពង់ស្រឡៅ ស្រុកឆែប ខេត្តព្រះវិហារ ។
ឧត្តមសេនីយ៍ទោ ច័ន្ទ សុភ័ក្ត្រ ា បានប្រគល់ភារកិច្ចសំខាន់ៗមួយចំនួនដល់កងកម្លាំង ក្នុងការចាត់វិធានការការពារទប់ស្កាត់មិនឱ្យមានការលួចកាប់ទន្ទ្រានជាថ្មីទៀត បានជាដាច់ខាត។ ចំពោះដីដែលបានកាប់ទន្ទ្រានរួចកន្លងទៅ ត្រូវចាត់វិធានការតាមនីតិវិធីច្បាប់ ហើយនឹងត្រូវគ្រប់គ្រងឲ្យបានល្អមិនឱ្យមានការបាត់បង់ទៅវិញជាដាច់ខាត ។
នៅក្នុងឱកាសនេះផងដែរ ឧត្តមសេនីយ៍ទោ ច័ន្ទ សុភ័ក្ត្រាមេបញ្ជាការតំបន់ប្រតិបត្តិការសឹករង អនុប្រធានគណៈកម្មការការពារ ទប់ស្កាត់ បង្ក្រាបបទល្មើសធនធានធម្មជាតិ ខេត្តព្រះវិហារ បានប្រគល់អំណោយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជូនដល់កងកម្លាំងផ្នែកសឹករងឆែប រួមមាន គ្រឿងឧបភោគបរិភោគ និងថវិកាមួយចំនួនផងដែរ៕
