អគ្គលេខាធិការរដ្ឋសភា៖ បរិបទនយោបាយសកល និងនយោបាយរបស់សាធារណរដ្ឋប្រជាមានិតចិន ជាមេរៀនដែលអ្នកសិក្សាស្រាវជ្រាវត្រូវឈ្វេងយល់បន្ថែម
ភ្នំពេញ៖ នៅវិមានរដ្ឋសភា នាព្រឹកថ្ងៃទី២ ខែកក្កដា ឆ្នាំ២០២៤ ឯកឧត្តម ឡេង ប៉េងឡុង អគ្គលេខាធិការរដ្ឋសភា បានអញ្ជើញជាអធិបតីក្នុងកម្មវិធីធ្វើបទបង្ហាញចែករំលែកបទពិសោធស្តីពី របបនយោបាយ និងការគ្រប់គ្រងរដ្ឋនៃសាធារណរដ្ឋប្រជាមានិតចិន បង្ហាញដោយមន្ត្រីនៃអគ្គនាយកដ្ឋាននីតិកម្ម និងស្រាវជ្រាវ ដែលបានទៅចូលរួមវគ្គបណ្តុះបណ្តាលនៅសភានៃសាធារណរដ្ឋប្រជាមានិតចិនកាលពីពេលកន្លងទៅថ្មីៗនេះ។
ឯកឧត្តម ឡេង ប៉េងឡុង បានលើកឡើងថា បរិបទនយោបាយសកលលោក និងបរិបទនយោបាយរបស់សាធារណរដ្ឋប្រជាមានិតចិន ជាមេរៀនដែលអ្នកសិក្សាស្រាវជ្រាវត្រូវឈ្វេងយល់បន្ថែម និងជាប្រចាំ ស្របទៅនឹងបរិបទនៃស្ថានភាពភូមិសាស្រ្តនយោបាយដែលមានភាពស្មុគស្មាញ និងបញ្ហាប្រឈមនៃសេដ្ឋកិច្ចសកល។
ក្នុងកម្មវិធីនេះ មានការចូលរួមពី លោក សែត សួនវិសាល ប្រធាននាយកដ្ឋានស្រាវជ្រាវកិច្ចការជាតិ លោក ហេង រដ្ឋា ប្រធាននាយកដ្ឋានស្រាវជ្រាវកិច្ចការអន្តរជាតិ លោក ខាត់ សុខ ប្រធាននាយកដ្ឋានស្តីទីនៃនាយកដ្ឋានស្រាវជ្រាវច្បាប់ និងលោក ឃ្លោក សួសបូឡាទីន អនុប្រធាននាយកដ្ឋាននីតិវិធី ព្រមទាំងមានមន្ត្រីនៃអគ្គនាយកដ្ឋាននីតិកម្ម និងស្រាវជ្រាវ ប្រមាណ៥០នាក់ចូលរួមផងដែរ ៕
