លោក Netanyahu ថាដំណាក់កាលប្រយុទ្ធដ៏ខ្លាំងក្លាប្រឆាំងហាម៉ាស់ ជិតបញ្ចប់ ប៉ុន្តែសង្រ្គាម Gaza នៅតែបន្ត
បរទេស៖ នាយករដ្ឋមន្ត្រីអ៊ីស្រាអែល លោក Benjamin Netanyahu បានឲ្យដឹងកាលពីថ្ងៃអាទិត្យថា ការប្រយុទ្ធដ៏ខ្លាំងក្លារបស់យោធាអ៊ីស្រាអែល ប្រឆាំងនឹងក្រុមសកម្មប្រយុទ្ធហាម៉ាស នៅក្នុងទីក្រុង Rafah ភាគខាងត្បូង Gaza ជិតចប់ហើយ។
លោក Netanyahu នៅក្នុងបទសម្ភាសន៍លើកដំបូងរបស់លោកជាមួយបណ្តាញអ៊ីស្រាអែល ចាប់តាំងពីសង្រ្គាមជាមួយក្រុមហាម៉ាសបានផ្ទុះឡើងកាលពីថ្ងៃទី៧ ខែតុលា បានឲ្យដឹងថា កងទ័ពនឹងត្រូវដាក់ពង្រាយក្នុងពេលឆាប់ៗនេះទៅកាន់ព្រំដែនភាគខាងជើងជាមួយប្រទេសលីបង់ ប៉ុន្តែសម្រាប់គោលបំណងការពារ។
លោក Netanyahu បបានឲ្យដឹងក្នុងបទសម្ភាសន៍មួយជាមួយនឹងប៉ុស្តិ៍ Netanyahu Channel 14 ដែលគាំទ្រអ៊ីស្រាអែលថា ដំណាក់កាលដ៏តានតឹងនៃការប្រយុទ្ធប្រឆាំងនឹងក្រុម Hamas ហៀបនឹងបញ្ចប់ហើយ។
លោកបានបន្តថា វាមិនមានន័យថាសង្រ្គាមហៀបនឹងបញ្ចប់នោះទេ ប៉ុន្តែសង្រ្គាមនៅក្នុងដំណាក់កាលដ៏ខ្លាំងក្លារបស់វាហៀបនឹងបញ្ចប់នៅ Rafah។
លោក Netanyahu បានបន្ថែមថា បន្ទាប់ពីបញ្ចប់ដំណាក់កាលដ៏តានតឹង យើងនឹងអាចដាក់ពង្រាយឡើងវិញនូវកងកម្លាំងមួយចំនួនទៅកាន់ភាគខាងជើង ហើយយើងនឹងធ្វើដូច្នេះ។ ជាចម្បងសម្រាប់គោលបំណងការពារ ប៉ុន្តែក៏ដើម្បីនាំយកអ្នកស្រុក (ជនភៀសខ្លួន) ត្រឡប់ទៅផ្ទះវិញ។
ប្រជាជនអ៊ីស្រាអែលរាប់ម៉ឺននាក់ត្រូវបានជម្លៀសចេញពីភាគខាងជើងនៃប្រទេសអ៊ីស្រាអែល ដែលបានឃើញការផ្លាស់ប្តូរការបាញ់ប្រហារជារៀងរាល់ថ្ងៃរវាងកងកម្លាំងអ៊ីស្រាអែល និងក្រុមសកម្មប្រយុទ្ធ Hezbollah លីបង់ ចាប់តាំងពីសង្រ្គាមនៅតំបន់ហ្គាហ្សាបានចាប់ផ្តើម។
លោក Netanyahu បានបញ្ជាក់ថា លោកនឹងមិនយល់ព្រមចំពោះកិច្ចព្រមព្រៀងណាមួយដែលកំណត់ការបញ្ចប់សង្រ្គាមនៅ Gaza ដោយបង្ហាញថាលោកបើកចំហចំពោះកិច្ចព្រមព្រៀងដោយផ្នែកដែលនឹងជួយសម្រួលដល់ការវិលត្រឡប់របស់ចំណាប់ខ្មាំងមួយចំនួនដែលនៅតែឃុំខ្លួននៅទីនោះ ប្រសិនបើមិនមែនទាំងអស់។
មន្ត្រីសហរដ្ឋអាមេរិកបានបង្កើនការសង្ស័យលើគោលដៅរបស់អ៊ីស្រាអែលក្នុងការកម្ទេចក្រុមហាម៉ាសទាំងស្រុង ហើយកាលពីថ្ងៃពុធ អ្នកនាំពាក្យកងទ័ពកំពូលរបស់អ៊ីស្រាអែល ខណៈលោកឧត្តមនាវីទោ Daniel Hagari បានបញ្ជាក់ថា ក្រុមហាម៉ាស់មិនអាចកម្ចាត់បានទេ។
លោកឧត្តមនាវីទោ Daniel Hagari បបានបន្តថា ក្រុមហាម៉ាស់ជាមនោគមវិជ្ជាមួយ ហើយយើងមិនអាចលុបបំបាត់មនោគមវិជ្ជាបានឡើយ។
