NEA ចុះផ្សព្វផ្សាយពីឱកាសការងារ និងវគ្គបណ្តុះបណ្តាលជំនាញបច្ចេកទេស និងវិជ្ជាជីវៈ ជូនប្រជាពលរដ្ឋរស់នៅក្រុងរុនតាឯក ខេត្តសៀមរាប

ភ្នំពេញ៖ នៅថ្ងៃទី១១ ខែឧសភា ឆ្នាំ២០២៤ មជ្ឈមណ្ឌលការងារ ខេត្តសៀមរាប និង មជ្ឈមណ្ឌលការងារចល័ត របស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានសហការជាមួយមន្ទីរការងារ និងបណ្តុះបណ្តាលវិជ្ជាជីវៈ និងអាជ្ញាធរមូលដ្ឋាន បានចុះធ្វើការផ្សព្វផ្សាយពី ឱកាសការងារ ក៏ដូចជាបានចុះឈ្មោះស្វែងរកការងារ និងចុះឈ្មោះចូលរៀនវគ្គបណ្តុះបណ្តាលជំនាញបច្ចេកទេស និងវិជ្ជាជីវៈ ជូនដល់ប្រជាជនដែលកំពុងរស់នៅក្នុងភូមិជ័យ និងភូមិរុន ក្រុងរុនតាឯង ខេត្តសៀមរាប។

ចំពោះបងប្អូនប្រជាពលរដ្ឋ នៅតំបន់រុនតាឯក ដែលមានបំណងចង់ស្វែងរកការងារ ឬចុះឈ្មោះរៀនជំនាញបច្ចេកទេស និងវិជ្ជាជីវៈ សូមអញ្ជើញទៅស្តង់របស់មជ្ឈមណ្ឌលការងារខេត្តសៀមរាប ដែលស្ថិតនៅខាងមុខវិទ្យាល័យរុនតាឯក និងរថយន្តពណ៌ខៀវដែលជាមជ្ឈមណ្ឌលការងារចល័តរបស់ NEA ដែលកំពុងចល័តផ្សព្វផ្សាយអំពីឱកាសការងារជុំវិញក្រុងរុនតាឯកផងដែរ។

សម្រាប់ព័ត៌មានបន្ថែម សូមទាក់ទងមកមជ្ឈមណ្ឌលការងារខេត្តសៀមរាមតាមរយៈលេខទូរស័ព្ទ ៖ ០១៦ ៥៣ ៦៦ ៥៥៕