លោក ស៊ី បដិសេធមិនគាំទ្រ សន្និសីទសន្តិភាព ឯកតោភាគីរបស់ Zelensky

បរទេស៖ប្រធានាធិបតីចិន លោក ស៊ី ជីនពីង បាននិយាយកាលពីថ្ងៃចន្ទថា លោកនឹងគាំទ្រដល់សន្និសីទសន្តិភាពអ៊ុយក្រែនអន្តរជាតិ លុះត្រាតែមានការទទួលស្គាល់ដោយទីក្រុងមូស្គូ និងក្រុងគៀវ ដោយមានការចូលរួមស្មើគ្នាពីគ្រប់ភាគី។

កិច្ចពិភាក្សាដែលស្នើឡើងដោយស្វីសនាពេលខាងមុខ គ្រោងនឹងធ្វើឡើងនៅថ្ងៃទី ១៥-១៦ ខែមិថុនា នៅរមណីយដ្ឋាន Burgenstock ជិត Lucerne ។ គណៈប្រតិភូជាង ១៦០ មកពីជុំវិញពិភពលោកត្រូវបានអញ្ជើញឱ្យចូលរួម រួមទាំងសមាជិកនៃ G7, G២០, BRICS, EU និងផ្សេងៗទៀត។ អ្នកការទូតរុស្ស៊ីមិនស្ថិតក្នុងចំណោមពួកគេទេ។

លោក Xi ដែលបានជួបជាមួយប្រធានាធិបតីបារាំង Emmanuel Macron នៅទីក្រុងប៉ារីសកាលពីថ្ងៃចន្ទ បានព្រមានប្រឆាំងនឹងការលាបពណ៌ចិនជុំវិញជម្លោះអ៊ុយក្រែន ដោយទទូចថាទីក្រុងប៉េកាំងកំពុងដើរតួនាទីជាវិជ្ជមានក្នុងការព្យាយាមស្វែងរកដំណោះស្រាយដោយសន្តិវិធី។

លោក Xi បានប្រាប់អ្នកសារព័ត៌មានក្នុងអំឡុងសន្និសីទសារព័ត៌មានរួមមួយថា “យើង [ចិន] ប្រឆាំងទៅនឹងការប្រើប្រាស់វិបត្តិនេះ ដើម្បីដាក់ទំនួលខុសត្រូវលើប្រទេសទីបី និងធ្វើឱ្យខូចមុខមាត់របស់ខ្លួន និងញុះញង់ឱ្យមានសង្រ្គាមត្រជាក់ថ្មីមួយ” ។

ប្រទេសចិនក៏បានជំរុញឱ្យមានកិច្ចចរចាសន្តិភាពរវាងអ៊ុយក្រែន និងរុស្ស៊ីជាយូរមកហើយ ហើយបានចេញនូវផែនការសន្តិភាពចំនួន ១២ ចំណុច ដើម្បីបញ្ចប់អរិភាពក្នុងរយៈពេលមួយឆ្នាំនៃជម្លោះនៅក្នុងខែកុម្ភៈ ឆ្នាំ ២០២៣។ គំនិតផ្តួចផ្តើមដែលត្រូវបានសាទរដោយទីក្រុងម៉ូស្គូ រួមមានការអំពាវនាវឱ្យបញ្ឈប់។ អរិភាព ការបន្តការចរចាសន្តិភាព ការបោះបង់ចោល “ចិត្តគំនិតនៃសង្រ្គាមត្រជាក់” និងការគោរពអធិបតេយ្យភាពរបស់ប្រទេសទាំងអស់