អាណិតណាស់! បុរសម្នាក់ឆក់ត្រីបែរជាឆក់ខ្លួនឯងស្លាប់ចោលប្រពន្ធមានផ្ទៃពោះ
ភ្នំពេញ៖ បុរសម្នាក់បានស្លាប់ចោលប្រពន្ធមានផ្ទៃពោះ៨ខែ ក្រោយបញ្ជូនទៅសង្រ្គោះដល់មន្ទីរពេទ្យ បន្ទាប់ពីប្រើឧបករណ៍ឆក់យកត្រីនៅក្នុងស្រះទឹកមួយកន្លែងដែលគាត់បានបូមស្ទើតែរីងទាំងស្រុងទៅហើយ ប៉ុន្តែជាអកុសលស្រាប់តែឆ្លងចរន្តអគ្គិសនីឆក់ខ្លួនឯង។
ហេតុការណ៍នេះបានកើតឡើងនៅវេលាម៉ោង៨និង៣០នាទី យប់ថ្ងៃទី០៥ ខែឧសភា ឆ្នាំ២០២៤ ចំណុចស្រះទឹកក្នុងបរិវេណអតីតទីលានប្រណាំងរថយន្ត ភូមិតាភេម សង្កាត់កំបូល ខណ្ឌកំបូល រាជធានីភ្នំពេញ។
តាមការពិនិត្យលើខ្លួនសពមានស្លាកស្នាមឆក់នៅលើស្មាខាងស្ដាំចំនួន៣កន្លែងឆេះស្លោកស្បែក៕